بین الصوبائی وزرائے تعلیم کے اجلاس میں پنجاب میں تعلیمی ادارے کھلے رکھنے کا فیصلہ کیا گیا ہے۔
وزیر تعلیم پنجاب مراد راس کہتے ہیں کہ پنجاب کے اسکولوں میں سردیوں کی چھٹیاں نہیں ہوں گی۔
وفاقی وزیر تعلیم شفقت محمود کی سربراہی میں آن لائن ویڈیو کانفرنس منعقد کی گئی جس میں وزیر تعلیم پنجاب مراد راس سمیت تمام صوبوں کے وزرائے تعلیم نے شرکت کی۔
اجلاس میں سیکرٹریز اسکول و ہائر ایجوکیشن ڈیپارٹمنٹ بھی شریک ہوئے۔
مراد راس نے بتایا کہ کانفرنس میں صوبے بھر میں اسکول کھلے رکھنے کے فیصلے کو برقرار رکھا گیا ہے۔
ان کا کہنا تھا کہ صوبے بھر کے اسکول جاری کردہ شیڈول کے مطابق کھلے رہیں گے اور نومبر میں سردیوں کی چھٹیاں دینے کا بھی فیصلہ نہیں ہوا۔
