معاشی بحران سے نمٹنے کیلئے ایشیائی ترقیاتی بینک پاکستان کو 10 ارب ڈالر دے گا۔
کورونا وائرس کے بعد پاکستان کو معاشی بحران کا سامنا ہے ایسے حالات میں ایشیائی بینک کی طرف سے پاکستان کیلئے 10 ارب ڈالر کی امداد کا اعلان کیا گیا ہے۔
وفاقی وزیر معاشی امور مخدوم خسرو بختیار اور اے ڈی بی کے نائب صدر شیزن چین کے درمیان ورچوئل اجلاس کے دوران یہ اتفاق رائے ہوا ہے۔
جنوری میں اے ڈی بی کے بورڈ آف ڈائریکٹرز کے ذریعے منظوری کئے جانے کا امکان ہے۔
اجلاس میں کاؤنٹی آپریشنز بزنس پلان اور پاکستان کے اصلاحاتی پروگرام کیلئے اے ڈی بی کی جاری حمایت پر بھی تبادلہ خیال کیا گیا۔
واضح رہے وبائی امراض سے پیدا ہونے والے معاشی اور معاشرتی چیلنجز اور پاکستان کے اسٹرکچرل چیلنجز سے نمٹنے کیلئے فریقین نے سی پی ایس 2021-25 کو حتمی شکل دی ہے۔
آئندہ تین سالوں میں اے ڈی بی کی امداد تین اہم باہم موبوط ستونوں پر مرکوز ہو گی جس میں معاشی انتظامات میں بہتری، لچک پیدا کرنا اور مسابقت اور نجی شعبے کی ترقی کو فروغ دینا شامل ہے۔
ذرائع کا کہنا ہے کہ ایشیائی بینک سے ملنے والے فنڈز کا تقریباً 33 فیصد توانائی کے شعبے پر مرکوز ہو گا۔
واضح رہے اے ڈی بی کے شیزن چین نے کورونا وائرس سے کامیابی سے نمٹنے کیلئے حکومت کی حکمت علمی کو سراہتے ہوئے حکومت کے اصلاحاتی ایجنڈے کی حمایت اور معاشی بحالی کے عمل کو تیز کرنے کیلئے بینک کے عزم کا اعادہ کیا۔
اس حوالے سے ان کا کہنا تھا کہ اے ڈی بی اپنے نئے سی پی ایس کے تحت پاکستان کو اگلے پانچ سالوں میں مختلف ترقیاتی منصوبوں اور پالیسی پر مبنی پروگراموں کیلئے تقریباً 10 ارب ڈالر کی امداد فراہم کرنے کا ارادہ رکھتا ہے۔
