امریکی ریاست کینٹکی کے ایک قصبے میں ایک کتے کو مئیر منتخب کر لیا گیا۔
ایک فرانسیسی بلڈاگ، ولبر بیسٹ نے 13 ہزار 143 ووٹ حاصل کیے جو اس قصبے کی تاریخ میں حاصل کیے گئے سب سے زیادہ ووٹ ہیں۔
ولبر بیسٹ اس قصبے کی تاریخ میں پہلا کتا نہیں ہے جسے مئیر منتخب کیا گیا ہو، یہاں ایک طویل عرصے سے ہی کتوں کو بطور مئیر منتخب کیا جاتا رہا ہے۔
ووٹر ایک بیلٹ پیپر پر اپنے پسندیدہ امیدوار کا نام لکھتے ہیں اور ساتھ ہی ریبٹ ہیش ہسٹوریکل سوسائٹی کو ایک ڈالر کا عطیہ بھی دیتے ہیں۔
ریبٹ ہیش کی تاریخ میں سب سے پہلا کتا 1998 میں 4 سالہ مدت کے لیے منتخب ہوا تھا تاہم وہ 16 برس کی عمر میں جون 2001 میں ہی مر گیا تھا۔
اس برس ہونے والے انتخاب میں ولبر نے ایک اور کتے برنتھ پالٹرو کو شکست دی جو 2017 میں مئیر منتخب ہوا تھا۔
اس مقابلے میں ہر کتا حصہ نہیں لے سکتا، ہر امیدوار کو انتخابات میں حصہ لینے کی اہلیت اس وقت ملتی ہے جب وہ ایک گھنٹے میں کسی خرگوش کے پیچھے بھاگ کر اپنے گھر سے ریبٹ ہیش ٹاؤن تک پہنچ پاتا ہے۔
نومنتخب مئیر کی ترجمان ایمی نولینڈ نے فاکس نیوز سے بات کرتے ہوئے بتایا کہ وہ دونوں اس بھرپور حمایت پر لوگوں کے شکرگزار ہیں۔
