کشمور میں زیادتی کا شکار 4 سالہ بچی کے جسم میں انفیکشن پھیل گیا ہے۔
زیادتی کا شکار ہونے والی 4 سالہ بچی کراچی کے قومی ادارہ امراض اطفال میں زیر علاج ہے۔
سربراہ قومی ادارہ امراض اطفال ڈاکٹر جمال رضا کا کہنا ہے کہ بچی کے جسم میں انفیکشن ہو گیا ہے جسے اینٹی بائیوٹک سے کنٹرول کرنے کی کوشش کی جا رہی ہے۔
کشمور واقعہ: اپنی بیٹی کی عزت اور جان داؤ پہ لگانے والے پولیس افسر کی کہانی
میرا دل چاہتا ہے تمارا ماتھا چوم لوں، وزیراعظم کا بہادر پولیس افسر کو فون
ڈاکٹر جمال رضا کا کہنا ہے کہ سانس لینے میں بہتری پر بچی کی چیسٹ ٹیوب نکالی جائے گی۔
ان کا مزید کہنا تھا کہ بچی کی طبییعت میں بہتری آ رہی ہے لیکن میڈیکل ٹیم بچی کے زخموں کا کل دوبارہ معائنہ کرگے۔
خیال رہے کہ چند روز قبل نوکری کا جھانسہ دیکر کراچی سے کشمور لیجا کر خاتون اور اس کی 4 سالہ بیٹی کو زیادتی کا نشانہ بنایا گیا تھا۔ اے ایس آئی محمد بخش نے بہادری کا مظاہرہ کرتے ہوئے بچی کو بازیاب کرانے کے لیے اپنی بیٹی اور بیوی کی مدد لی اور ملزم کو گرفتار کر کے اس کی نشاندہی پر 4 سالہ علیشا کو بازیاب کرایا۔
وزیراعظم عمران خان نے کشمور میں زیادتی کا شکار ماں بیٹی کو ملزمان سے بچانے والے بہادر پولیس افسر کو ٹیلی فون کیا اور واقعے سے متعلق بات چیت کی۔
انہوں نے اے ایس آئی محمد بخش بروڑ کو شاباش دی اور ان کی بیٹی کی مثالی بہادری کو سراہا۔
وزیراعظم نے اے ایس آئی کو کہا کہ میرا دل چاہتا ہے میں تمہارا ماتھا چوم لوں اور تمہیں گلے سے لگا لوں۔
انہوں نے کہا کہ اے ایس آئی محمد بخش نے پولیس کے مثبت تشخص کو اجاگر کیا۔
بعد ازاں وزیراعظم نے اپنے بیان میں کہا کہ آئندہ ہفتے انسداد زیادتی سےمتعلق آرڈیننس لارہے ہیں۔
