چین کی معروف ٹیکنالوجی کمپنی شیاؤمی کے زیلی ادارے ریڈمی نے انوکھی اسمارٹ واچ متعارف کرائی ہے جس کا بیٹری ٹائم بارہ دن بتایا گیا ہے۔
ریڈمی کی جانب سے پہلی اسمارٹ واچ چین میں متعارف کرائی گئی ہے جب کہ کمپنی نے دعوی کیا ہے کہ یہ اسمارٹ واچ 12 روز کا بیک اپ دے گی۔
چوکور ڈائل رکھنے والی اسمارٹ واچ کی خصوصیات میں 323 پی پی آئی پکسل ڈینسٹی اور 2.5 ڈی ٹیمپرڈ گلاس اسکرین سمیت 1.4 انچ کا چوکور ڈسپلے شامل ہیں۔
اسمارٹ واچ کا وزن 35 گرام بتایا گیا ہے جب کہ گھڑی ادائیگی اور دیگر مقاصد کے حصول کے لیے این ایف سی کی تائید کرتی ہے۔
ریڈمی کی متعارف کردہ اسمارٹ واچ 24 گھنٹے دل کی دھڑکن کی جانچ کرتی ہے جب کہ پانی میں 50 میٹر تک کام کرنے کی صلاحیت رکھتی ہے۔ اس کے علاوہ اسمارٹ واچ میں آؤٹ ڈور رننگ، ان ڈور رننگ، آؤٹ ڈور سائیکلنگ، ان ڈور سائیکلنگ، واکنگ، سمیت 7 کھیلوں کے موڈز بھی موجود ہیں۔
کمپنی کے مطابق اسمارٹ واچ اگلے ماہ کی یکم تاریخ کو کمپنی کے ویب اسٹور ایم آئی ڈاٹ کام پر فروخت کے لیے پیش کی جائے گی۔
اسمارٹ واچ کا ڈائل سیاہ، انک بلیو اور آئیوری وائٹ رنگوں پر مشتمل ہے جب کہ گھڑی کے اسٹریپ (پٹی) سیاہ، انک بلیو ، آئیووری وائٹ، چیری بلوسم پاؤڈر اور پائن نیڈل گرین میں دستیاب ہو گی۔
12 دن کی بیٹری لائف، چین نے انوکھی اسمارٹ واچ متعارف کرا دی
