برطانوی حکام نے موٹاپے سے دوچار افراد کو کورونا ویکسین پہلے دینے کا فیصلہ کیا ہے۔
پبلک ہیلتھ انگلینڈ نے ایک کتابچہ جاری کیا ہے جس میں بتایا گیا ہے کہ کورونا ویکسین کے لیے کن افراد کو ترجیح دی جائے گی۔
کتابچے میں بتایا گیا ہے کہ جن افراد کا باڈی ماس انڈیکس 60 سے زیادہ ہو گا، انہیں کورونا ویکسین دینے کے لیے معاملے میں ترجیح دی جائے گی۔
پاکستان میں پہلی بار کورونا ویکسین کے ٹرائلز کا آغاز، ہزاروں رضا کاروں کی شرکت
کورونا ویکسین حاصل کرنے کی دوڑ، غریب ممالک کیا کریں؟
زندگی اگلی سردیوں میں نارمل ہو جائے گی، کورونا ویکسین تیار کرنے والے سائنسدان کا دعویٰ
ڈاکٹرز کا کہنا ہے کہ جو افراد موٹاپے کا شکار ہوتے ہیں، نہ صرف ان کے کورونا میں مبتلا ہونے کے خطرات بڑھ جاتے ہیں بلکہ اس وبا کے ہاتھوں انتقال کرنے کا امکان بھی دوگنا ہو جاتا ہے۔
یہی وجہ ہے کہ ایسے افراد کو کورونا ویکسین کی منظوری ملنے کے بعد اس فہرست میں شامل کیا گیا ہے جنہیں سب سے پہلے ویکسین مہیا کی جائے گی۔
عالمی وبا کورونا وائرس کے خاتمے کے لیے امریکی کمپنی فائزر، بائیو ٹیک کمپنی موڈرنا اور آکسفورڈ یونیورسٹی کی جانب سے ویکسین تیار کی جا چکی ہے۔
اسی طرح روس نے بھی ویکسین کی تیاری کا دعویٰ کرتے ہوئے 5 لاکھ روسی فوجیوں کو ویکسین لگانے کا اعلان کیا ہے۔
چین بھی اس میدان میں پیچھے نہیں ہے، اس کی مختلف کورونا ویکسین کے ٹرائل آخری مراحل میں ہیں، پاکستانی رضاکار بھی اس میں حصہ لے رہے ہیں۔
