نیوزی لینڈ اور ویسٹ انڈیز کے درمیان ہونے والے ٹی 20 میچ میں نیوزی لینڈ کے کھلاڑی گلین فلپس نے سیریز کے دوسرے کھیل کے دوران 46 گیندوں پر دنیا کی 10 ویں تیز ترین سنچری کا ریکارڈ اپنے نام کر لیا۔
نیوزی لینڈ کے ساتھ دوسرے میچ میں ویسٹ انڈیز نے ٹاس جیت کر پہلے باؤلنگ کرنے کا فیصلہ کیا جو اسے مہنگا پڑ گیا کیونکہ نیوزی لینڈ نے پہلے بیٹنگ کرتے ہوئے 239 رنز کے ٹارگٹ کا پہاڑ کھڑا کر دیا تھا۔
ہدف کے تعاقب میں ویسٹ انڈیز کی ٹیم مقررہ 20 اوورز میں 9 وکٹوں کے نقصان پر صرف 166 رنز ہی بنا سکی تھی۔
خیال رہے ویسٹ انڈیز کے ٹیم سیریز کا پہلا میچ بھی پانچ وکٹوں سے ہار گئی تھی۔
پہلے میچ میں بھی جب گلین فلپس آؤٹ ہوئے تو انہوں نے 51 گیندوں پر 108رنز بنا لیے تھے۔ گلین فلپس نے آٹھ چھکے اور 10 چوکے مارے، صرف چھکوں اور چوکوں سے انہوں نے 88 رنز بنائے تھے۔
یاد رہے نیوزی لینڈ کے اوپنرز ٹِم سیفرٹ اور مارٹن گپٹل 49 رنز کی پارٹنر شپ پر پولین لوٹ گئے جس کے بعد ڈیوڈ کونوے اور گلین فلپس نے کریز سنبھالی اور اپنی ٹیم کو جیت سے ہمکنار کیا۔
گلین فلپس 88 رنز پر کیچ آؤٹ ہو گئے لیکن ان کی قسمت نے ساتھ دیا اور تھرڈ امپائر نے گیند کو نو بال قرار دے دیا، اور اس طرح انہوں نے 51 گیندوں پر 108رنز بنا لیے۔
