راولپنڈی کے علاقے پیرودھائی میں دھماکہ ہوا ہے جس سے ایک شخص جاں بحق اور 7 زخمی ہو گئے ہیں۔
زخمیوں کو اسپتال پہنچا دیا گیا ہے، زخمیوں اور جاں بحق شخص کی شناخت کی جا رہی ہے۔
واقعہ کی اطلاع ملتے ہی سی سی پی او راولپنڈی محمد احسن یونس، سینئر افسران کے علاوہ پولیس کی بھاری نفری موقعہ پر پہنچ گئی ہے۔
بم ڈسپوزل اسکواڈ اور دیگر قانون نافذ کرنے والے ادارے موقعہ پر پہنچ گئے ہیں، واقعہ کی نوعیت معلوم کی جا رہی ہے۔
پولیس کا کہنا ہے کہ دہشتگردی کے امکان کو رد نہیں کیا جا سکتا تاہم تحقیقات کے بعد دھماکہ کی نوعیت کے بارے میں حتمی راۓ دی جا سکے گی۔
پولیس ترجمان سب انسپکٹر سجاد الحسن کا کہنا ہے کہ زخمیوں کو ہولی فیملی اسپتال میں داخل کرا دیا گیا ہے۔
