بھارت کی جانب سے فالس فلیگ آپریشن کی تیاری، پاک فوج ہائی الرٹ

بھارت ایک بار پھر خطے کے امن کو تباہ کرنے کیلئےسرگرم ہو گیا ہے، اپنے اندرونی مسائل سے عالمی میڈیا کی توجہ ہٹانے کیلئے فالس فلیگ آپریشن کی کوششوں میں مصروف ہے۔

میڈیا رپورٹس کے مطابق بھارت کی سرگرمیوں کو دیکھتے ہوئے پاک افواج کو ہائی الرٹ کر دیا گیا۔

ذرائع کا کہنا ہے کہ لداخ اور ڈوکلام میں چین کے ہاتھوں ہزیمت کے بعد بھارت پر شدید اندورنی و بیرونی دباؤ ہے اور وہ کسی بھی لمحے پاکستان کے خلاف کوئی کارروائی کرنے کا منصوبہ بنا رہا ہے۔

تجزیہ کاروں کا کہنا ہے کہ بھارت میں ہونے والے کسانوں کےاحتجاج سے مودی حکومت شدید دباؤ میں ہے اس کے ساتھ ساتھ کشمیر میں مظالم سے نظر ہٹانے کی کوشش میں بھی مصروف ہے۔

 واضح رہے کہ  2016 میں بھی بھارت نے ناکام سرجیکل سٹرائیکس کا دعویٰ کیا تھا اور 26 فروری 2019 کو بھی بھارت نے ناکام آپریشن کی کوشش کی تھی جس پاک مسلح افواج کی جانب سے منہ توڑ جواب دیا گیا تھا ۔