پاکستان پیپلزپارٹی کے چیئرمین بلاول بھٹو زرداری کے ترجمان سینیٹر مصطفیٰ کھوکھر نے پارٹی فیصلوں پر اختلافات کے بعد استعفیٰ دے دیا۔
ذرائع کے مطابق مصطفیٰ نواز کھوکھر نے بطور ترجمان بلاول بھٹو استعفیٰ دیا ہے، انہوں نے تاحال پارٹی چھوڑنے کا کوئی فیصلہ نہیں کیا۔
ذرائع کا کہنا ہے کہ پیپلزپارٹی کی سینئر قیادت مصطفیٰ نواز کھوکھر کو منانے کیلئے متحرک، ہو گئی ہے، پیپلزپارٹی کے ذرائع نے دعویٰ کیا ہے کہ وہ تھوڑا جذباتی ہوگئے ہیں، انہیں منا لیں گے۔
پیپلزپارٹی کے میڈیا سیل کا کہنا ہے کہ مصطفیٰ نواز کھوکھر نے پارٹی نہیں چھوڑی۔
ان سے رابطہ کرنے کی کوشش کی گئی مگر ابھی تک انہوں نے کوئی جواب نہیں دیا۔
