نیویارک (مانیٹرنگ ڈیسک)امریکی محکمہ دفاع پینٹاگون کے قریب فائرنگ کا واقعہ پیش آگیا ہے جس میں کئی افراد کے زخمی ہونےکی اطلاعات ہیں۔ غیر ملکی میڈیا کی رپورٹ کے مطابق امریکی محکمہ دفاع پینٹا گون کی عمارت کے قریب واقع میٹروسٹیشن پر فائرنگ کے نتیجے میں کئی افراد زخمی ہو گئے ہیں۔ جس کے بعد پینٹاگون کی عمارت کو آنے جانے کےلئے مکمل طور پر سیل کردیا گیا ہے اورکسی کو بھی آنے جانےکی اجازت نہیں دی جا رہی۔ دوسری جانب پینٹا گون میں موجود عملے کو محفوظ مقام کی جانب منتقل ہونےکی ہدایات جاری کر دی گئی ہیں۔
