کیا پاکستان میں کاغذ کی جگہ پلاسٹک کی کرنسی متعارف کروائی جا رہی ہے ؟

لاہور (مانیٹرنگ ڈیسک) پاکستان میں پلاسٹک کرنسی متعارف کروانے کا فیصلہ کر لیا گیا ہے۔ تفصیلات کے مطابق پاکستان میں پلاسٹک کرنسی متعارف کروانے کا منصوبہ تیار کر لیا گیا ہے۔ پلاسٹک کرنسی متعارف کروانے کا فیصلہ جعلی کرنسی کے خاتمے کے لیے کیا گیا۔ میڈیا رپورٹ میں بتایا گیا کہ پلاسٹک کرنسی کے لیے پچاس روپے ، سو روپے ،پانچ سو روپے اور ایک ہزار روپے کے جدید فیچرز کے نوٹ لائے جائیں گے۔
پشاور یونیورسٹی نے پلاسٹک کرنسی کے ڈیزائن بھی تیار کر لیے ہیں۔ جعلی کرنسی کے خاتمے کے لئے نئے اور جدید پلاسٹک کرنسی لانے کے اس منصوبے پر مزید کام بھی ہو رہا ہے۔ اس حوالے سے سنیٹر سلیم مانڈی والا نے کہا کہاسٹیٹ بینک کو کافی عرصے سے پلاسٹک کرنسی لانے کا کہا جا رہا ہے ، اسٹیٹ بینک بھی پلاسٹک کرنسی لانے پر کافی عرصے تک کام کرتا رہا ہے لیکن اسٹیٹ بینک کی جانب سے اس حوالے سے کوئی منصوبہ نہیں بنایا گیا ، نہ ہی اسٹیٹ بینک ایسا کوئی منصوبہ سامنے لایا۔ انہوں نے کہا کہ پاکستان میں جعلی کرنسی کی بھرمار ہے جس کے ہاتھوں شہری بھی پریشان ہیں۔ جعلی کرنسی کے خاتمے کے لیے ہی ایک ایسی کرنسی لانا ہوگی جس کی جعلی کاپیاں بنانا نا ممکن ہو گا۔ انہوں نے بتایا کہ پلاسٹک کرنسی لانے سے متعلق اس منصوبے کے تحت 50 روپے ،100 روپے ،500 روپے اور 1 ہزار روپے کے پلاسٹک نوٹ لانے کا پلان دیا گیا ہے۔ نئے پلاسٹک نوٹوں کا ڈیزائن پشاور یونیورسٹی کے ڈیپارٹمنٹ فائن آرٹس کے طالبعلم نور الحسن نے تیار کیا۔ ماہرین معیشت کا بھی ماننا ہے کہ پلاسٹک کرنسی لانے کی وجہ سے جعلی کرنسی اور اس کو استعمال میں لاتے ہوئے فراڈز میں کمی لانے میں نمایاں مدد ملے گی۔

Pakistani Currency new design is introduced by Noor Ul Hassan student of Fine Arts Dep University of Peshawar in his research thesis. He is KP's First & Pakistan's 3rd designer who came up with such a brilliant idea.#fineart #pakistanicurrency #Pakistan #instagramdown #NEWS pic.twitter.com/GxoWypQP7t

— Zain Ul Abidin (@Find_zain) November 4, 2021