اسلام آباد (مانیٹرنگ ڈیسک ) اہم ملکی راز بیچنے کے الزام میں اسلا آباد پولیس کے افسر کو گرفتار کر لیا گیا ہے۔تفصیلا ت کے مطابق ایف آئی اے کاؤنٹر ٹیررازم سیل نے کارروائی کے دوران ملکی راز بیچنے کے الزام میں اسلام آباد پولیس کے افسر کو گرفتار کر لیا ہے۔اے ایس آئی نے اہم راز فراہم کرنے پر رشوت بھی وصول کی۔ ذرائع کے مطابق اے ایس آئی کو غیر ملکی سفیر کے ایجنٹ کے ساتھ گاڑی پر جناح ایونیو سے نامعلوم مقام پر منتقل کیا گیا تھا جس کے بعد اے ایس آئی کو غیر ملکی سفیر کے ایجنٹ نے واپس جناح ایونیو بلیو ایریا میں اتار دیا تھا۔ ایف آئی نے ملزم کو گرفتار کرکے اس لفافے میں 50 ہزارروپے، یو ایس بی اور اے ٹی ایم کارڈ قبضے میں لے لیا ہے۔اے ایس آئی کے خلاف آفیشل سیکریٹ ایکٹ 1923 کی دفعات کے تحت بھی مقدمہ درج کر لیا گیا ہے۔ ترجمان اسلام پولیس کے مطابق اے ایس آئی ظہور احمد تھانہ گولڑہ میں تعینات تھا۔جس کے خلاف دہشتگردی، آفیشل سیکرٹ ایکٹ کے تحت مقدمہ درج کیا گیا۔ایف آئی اے کاؤنٹر ٹیررازم ونگ میں درج مقدمے میں دہشتگردی کی دفعات بھی شامل کی گئیں۔ ایف آئی آر کے مطابق پولیس اہلکار پر غیر ملکی سفیر سے ملاقات کی منصوبہ بندی کرکے اہم ملکی دستاویزات دینے کا الزام ہے۔ملزم زیر تفتیش انکوائری لیک کرنے کرنے کا الزام ہے۔ ایف آئی اے نے ملزم سے مزید تحقیقات کا آغاز کر دیا ہے۔
