لاہور (مانیٹرنگ ڈیسک )پاکستان تحریک انصاف فارن فنڈنگ کیس میں اہم پیشرفت سامنے آئی ہے ، سٹیٹ بینک کے جمع ریکارڈ کو تین سال 9 ماہ بعد خفیہ رکھنے پر پابندی ختم کر دی گئی ۔
تفصیلات کے مطابق الیکشن کمیشن پٹیشنر اکبر ایس بابر کو کیس کا ریکارڈ آج حوالے کر ے گا ، سکرونٹی کمیٹی رپورٹ سے منسلک ریکارڈ، 8 والیمز حوالے کیئے جائیں گے ، آٹھ والیمز میں پی ٹی آئی سے متعلق ریکارڈ شامل ہے ، ریکارڈ سٹیٹ بینک نے مالیاتی اداروں اور بینکوں سے جمع کیا ہے ۔
پی ٹی آئی کی بینک ٹرانزیکشن کی مصدقہ تفصیلی پہلی بار سامنے آئے گی ، 8 والیمز میں پی ٹی آئی کے بینک اکاونٹ کی تفصیلات شامل ہیں، پی ٹی آئی گزشتہ سال سے تمام ریکارڈ خفیہ رکھنے کی بار بار استدعا کرتی رہی ہے ، سکرونٹی کمیٹی نے اپنی رپورٹ میں بھی 8 والیمز خفیہ رکھنے کا کہاتھا ، الیکشن کمیشن نے سکرونٹی کمیٹی کا فیصلہ مسترد کر دیا تھا ۔
الیکشن کمیشن کا کہناتھا کہ فارن فنڈنگ کیس کی دستاویزات پبلک ریکارڈ کا حصہ ہیں ، نہیں خفیہ رکھنے کی استدعا ناقابل قبول ہے ، فارن فنڈنگ کا کیس 7 سال سے زیر التواء ہے ، اکبر ایس بابر کو ریکارڈ کے محدود حصے تک 55 گھنٹے رسائی دی گئی تھی ، محدو د ریکارڈ کا دو غیر جانبدار مالیاتی ماہرین نے آڈٹ کیا تھا ، 2.2 ارب روپے کی غیر قانونی فنڈنگ ثابت ہوئی تھی ،سکرونٹی کمیٹی رپورٹ میں 7.5 ملین امریکی ڈالر فنڈنگ ظاہر کی گئی ۔
3سال 9ماہ کا انتظار ختم ، تحریک انصاف فارن فنڈنگ کیس میں بڑی پیشرفت
