اسلام آباد: اسلام آباد کے اسپتال پمز میں کورنا وائرس کے مریضوں کے لیے بنائے گئے ائسولیشن وارڈ کے حوالے سے انکشاف ہوا ہے کہ وہاں مریضوں کو گھر سے پینا ڈول کی گولیاں لانے کا کہا جا رہا ہے۔
اسلام آباد کے ایک رہائشی نوجوان کے والد نے اپنی آواز میں ایک ویڈیو بنا کر بھیجی ہے جس میں انہوں نے یہ انکشاف کیا ہے کہ ان کا بیٹا پمز میں داخل ہے، اسے سر درد ہونے پر پینا ڈول تک کی گولی نہیں دی گئی۔
ویڈیو میں بتایا گیا ہے کہ اس نوجوان کا کورونا کا ٹیسٹ ہو چکا ہے مگر اس کا نتیجہ ابھی تک نہیں آیا۔
ویڈیو کے مطابق جب ڈاکٹر سے پیناڈول کی گولی مانگی گئی تو انہوں نے الٹا نوجوان کو کہا کہ آپ گھر سے یہ گولیاں نہیں لائے؟
ان کے مطابق ان کے بیٹے کو اس وقت گولیاں دی گئیں جب انہوں نے پمز ہسپتال کے ایگزیکٹو ڈائریکٹر کو خود فون کیا۔
اس ذمہ دار شخص کے مطابق وہ اپنے بیٹے کو خود پمز ہسپتال لے کر گیا تھا اور اسے وہاں داخل کرایا تھا۔
پمز اسپتال کی انتظامیہ اپنا موقف دینا چاہے تو دے سکتی ہے۔
پوری تفصیل اس ڈیڑھ منٹ کی ویڈیو میں ملاحظہ فرمائیں۔
