وفاقی وزیر سائنس و ٹیکنالوجی فواد چوہدری نے وزیر اعظم عمران خان سے اپیل کرتے ہوئے کہا ہے کہ شہباز شریف کو 14 دنوں کے لیے میو اسپتال میں قرنطینہ میں رکھا جائے۔
سماجی رابطے کی ایپ ٹوئٹر پر انہوں نے کہا کہ شہباز شریف کو اسپتال میں رکھنے کa خصوصی اجازت نامہ دیا جائے تاکہ انہیں معلوم ہو سکے کہ اسپتال کی اہمیت کیا ہوتی ہے۔
فواد چوہدری نے اپنی دوسری ٹویٹ میں کہا ہے کہ جیسے ہی شہباز شریف کو معلوم ہوا کہ پاکستان آنے والی فلائٹس کو بند کیا جا رہا ہے، انہوں نے مریم اورنگزیب کو اپنی واپسی کا بیان داغنے کا کہہ دیا۔
وفاقی وزیر نے سوال اٹھاتے ہوئے کہا کہ پتہ نہیں یہ پاکستانی عوام کو بیوقوف کیوں سمجھتے ہیں؟
فواد چوہدری کی ٹویٹ کے جواب میں وفاقی وزیر ریلوے شیخ رشید نے شہباز شریف پر تنقید کرتے ہوئے کہا کہ”شوبازیاں ہیں کہ ختم ہونے کا نام نہیں لے رہیں“
