کورونا وائرس کے حوالے سے احتیاطی اقدامات کو توڑنے کا اعلان کرنے والے حافظ محمد یوسف کے خلاف لاہور پولیس نے فوری کارروائی کی ہے جس کے بعد انہوں نے حکومتی اقدامات کی حمایت میں نیا بیان جاری کر دیا ہے۔
لاہور پولیس کے ڈی آئی جی آپریشنز ایس پی بلال ظفر اور وزیر اعلیٰ پنجاب کے سوشل میڈیا کے فوکل پرسن اظہر ماشوانی نے اپنے اپنے ٹویٹر اکاؤنٹس سے ایک ویڈیو ٹوئیٹ کی ہے جس میں حافظ یوسف قصوری کو ایک بیان پڑھتے ہوئے دکھایا گیا ہے۔
https://twitter.com/mashwaniazhar/status/1241702974373744640
اس بیان میں انہوں نے حکومت کی جانب سے بتائے گئے حفاظتی اقدامات کی حمایت کی ہے اور انہیں اسلام کے حوالے سے بھی درست تسلیم کیا ہے۔
اس سے قبل ایک ویڈیو سامنے آئی تھی جس میں وہ تقریر کرتے ہوئے بڑے پرجوش انداز میں یہ دعویٰ کررہے تھے کہ کسی کو کرونا وائرس کو سنجیدگی سے لینے کی ضرورت نہیں ہے۔
ذرا سوچئیے یہ حضرت سینکڑوں لوگوں میں کرونا وائرس پھیلانے کا سبب بن رہے ہیں۔ ریاست کو چاہئے کہ ایسے جہلا کو گرفتار کرے pic.twitter.com/Eq7qlkZNSa
— Aaliya Shah (@AaliyaShah1) March 21, 2020
اپنی ویڈیو میں ان کا کہنا تھا کہ اس وائرس سے کچھ نہیں ہوگا لہذا وہ ان پابندیوں کی پرواہ نہیں کریں جس میں سب سے زیادہ سوشل فاصلہ رکھنے پر زور دیا گیا تھا۔
تازہ ویڈیو سے پتہ چلتا ہے کہ لاہور پولیس نے بہت اچھے طریقے سے حافظ صاحب کو سمجھا دیا ہے کہ ان باتوں پر عمل کرنا کتنا ضروری ہے۔
سوشل میڈیا پر موجود صارفین نے لاہور پولیس کے اس قدم کو سراہا ہے کہ انہوں نے فوری طور پر اس کا نوٹس لیا اور حافظ صاحب کو اپنا بیان بدلنے پر قائل کیا۔
