قمر زمان کائرہ کا بلاول بھٹو کا عمران خان کو اتحاد کی دعوت دینے کا انکشاف

اسلام آباد (نیوز ڈیسک ) پیپلز پارٹی کے رہنما قمر زمان کائرہ نے انکشاف کیا ہے کہ بلاول بھٹونے بانی پی ٹی آئی عمران خان کو اتحاد کی دعوت دی تھی تاہم وہ نہیں مانے۔
قمر زمان کائرہ نے پریس کانفرنس کرتے ہوئے کہا کہ پی پی پی کے چیئرمین نے بانی پی ٹی آئی کو کہا آئو مل کر ملک کو لے کر آگے چلیں لیکن انہوں نے انکار کیا۔
انہوں نے کہا کہ اس وقت ملک کا سب سے بڑامسئلہ مہنگائی ہے، میں یوٹیلیٹی سٹورز کے ملازمین کے ساتھ ہوں، حکومت کے پاس اتنے وسائل نہیں کہ عوام کو ریلیف دے سکیں۔
ان کا کہنا تھا کہ آج ملک پھر دہشتگردی کا شکار ہے ، کچھ سیاستدانوں کی جانب سے دہشتگردی کے حوالے سے غیر سنجیدہ بیانات دیے گئے ہیں، دہشگردوں کے خلاف ٹارگٹڈ آپریشن کی ضرورت ہے۔