تین سالہ بچی آریا کی ویڈیو سوشل میڈیا پر وائرل ہو گئی ہے جس میں وہ معصومیت بھرے انداز میں کورونا وائرس سے محفوظ رہنے کی ہدایات دے رہی ہے۔
آریا نے اپنی ویڈیو میں سب سے پہلے اس وبائی مرض کو پھیلنے سے روکنے کے حوالے سے کیے جانے والے تمام اقدامات کا شکریہ ادا کیا۔
اپنی ویڈیو میں بچی نے کورونا وائرس کے شکار مریضوں کو بچانے اور اس وبا کے خلاف فرنٹ لائن پر لڑنے والوں کا بھی شکریہ ادا کیا۔
کورونا سے محفوظ رہنے کی ہدایات دیتے ہوئے اس نے کہا دنیا کو اس وبائی مرض سے بچانے کے لئے اپنے گھروں میں رہنے کی ضرورت ہے، جب تک انتہائی ضرورت نہ پڑے، آپ لوگ باہر نہ جائیں۔
آریا نے مزید کہا کہ اس وبائی مرض سے بچاؤ کے لیے ہمیشہ ماسک استعمال کریں اور بار بار ہاتھ دھوتے رہیں۔
تین سالہ بچی نے اپنی ویڈیو میں ہمیشہ مسکراتے رہنے کی تلقین کے ساتھ ساتھ اللہ تعالیٰ سے دعا کرنے کی بھی درخواست کی ہے اور کہا کہ اللہ ہمارے ساتھ ہے، سب ٹھیک ہو جائے گا۔
ویڈیو کے آخر میں آریا نے مسکراتے ہوئے سب کے ساتھ محبت کا اظہار کیا ہے۔
