چین کے شہر ووہان سے ہھیلنے والے عالمی وبائی مرض کورونا وائرس نے جہاں مختلف ممالک میں تباہی و بربادی پھیلائی ہے وہیں کئی اہم شخصیات بھی اس کی زد میں آ گئی ہیں۔ ان میں تمام شعبہ ہائے زندگی سے تعلق رکھنے والے افراد شامل ہیں۔
ٹام ہینکس، اداکار
بالی وڈ کے معروف اداکار ٹام ہینکس شامل ہیں۔ 63 سالہ اداکار نے ایک ٹوئٹ کے ذریعے اپنے مداحوں کو اس حوالے سے اطلاع دی۔
ادریس ایلبا، اداکار
برطانوی اداکار و موسیقار ادریس ایلبا نے اپنے ٹوئٹر اکاؤنٹ سے جاری پیغام میں بتایا کہ وہ کوویڈ 19 کورونا وائرس میں مبتلا ہو گئے ہیں۔
ان کا کہنا تھا کہ ابھی تک کورونا کے کوئی آثار تو نمایاں نہیں ہوئے ہیں تاہم اس کا ٹیسٹ مثبت آیا ہے۔
اندرا ورما، اداکارہ
ایچ بی او کی معروف ٹی وی سیریز ’ گیم آف تھرونز ‘ کی اداکارہ اندرا ورما میں بھی کورونا وائرس کی تشخیص ہو گئی ہے۔
گیم آف تھرونز میں ایلیریا سینڈ کا کردار ادا کرنے والی اداکارہ نے اپنے انسٹاگرام اکاؤنٹ سے خبر شیئر کرتے ہوئے لکھا ہے کہ ان کا کورونا ٹیسٹ مثبت آیا ہے۔
اداکارہ نے کہا کہ اس وبائی بیماری کے باعث دنیا میں ہمارے اور دوسرے لوگوں کے شوز متاثر ہوئے ہیں۔
ان کا کہنا تھا کہ ہم جلد اس سے چھٹکارا حاصل کر لیں گے امید ہے حکومت اور آپ سب لوگ ہماری مدد کریں گے۔
انہوں نے کہا کہ میں اس بیماری کے باعث اپنے بستر پر لیٹی ہوں اور یہ کوئی اچھا احساس نہیں ہے۔ انہوں نے اپنے مداحوں کے لیے نیک خواہشات کا اظہار کرتے ہوئے کہا کہ آپ لوگ محفوظ اور صحت مند رہیں۔
پایلو ڈائیبلا، فٹ بالر
کورونا کی وبا سے سب سے زیادہ متاثر ہونے والا یورپین ملک اٹلی میں مقیم ارجنٹائن کے فٹ بالر ڈائبالا بھی اس مرض میں مبتلا ہو چکے ہیں۔
صوفی ٹروڈو، کینیڈین وزیراعظم کی اہلیہ
کینیڈا کے وزیراعظم جسٹن ٹروڈو کی اہلیہ کا بھی کورونا وائرس کا ٹیسٹ مثبت آیا ہے تاہم ان کے شوہر ابھی تک اس بیماری سے محفوظ ہیں۔
ریتا ولسن، اداکارہ
ٹام ہیکس کی اہلیہ ریتا ولسن خود ایک مشہور اداکارہ ہیں، اپنے شوہر کی طرح وہ بھی کورونا وائرس کا شکار ہوئی ہیں۔
روڈی گوبرٹ، باسکٹ بال کھلاڑی
27 سالہ این بی اے سٹار روڈی گوبرٹ کا کورونا کا ٹیسٹ مثبت آیا ہے جس کے بعد اس سیزن کا ٹورنامنٹ ملتوی کر دیا گیا ہے۔
ڈونوون مچل، این بی اے سٹار
این بی اے کے ایک اور اسٹار ڈونوون مچل بھی اسی وبا کی زد میں آ گئے ہیں۔ ان کے ٹیسٹ مثبت آنے کے بعد ان سے رابطے میں آنے والے تمام افراد کے ٹیسٹ لیے گئے ہیں۔
مائیکل آرٹیٹا، آرسنل کلب کے ہیڈ کوچ
فٹ بال کے مشہور کلب آرسنل کے مینیجر مائیکل آرٹیٹا کا کورونا ٹیسٹ مثبت آنے کے بعد کلب کو اپنا تربیتی کامپلیکس بند کرنا پڑٓا اور تمام ٹیم کو قرنطینہ میں رہنا پڑا۔
اسحاق جہانگیری، ایرانی نائب صدر
ایران بری طرح اس وائرس کی زد میں آیا ہے جس کے باعث وہاں کے تقریباً 24 اراکین پارلیمنٹ کوروناوائرس کا شکار ہو گئے ہیں۔ ایرانی نائب صدر اسحاق جہانگیری بھی ان اہم شخصیات میں شامل ہیں جو اس وبا سے محفوظ نہ رہ سکے۔
موروئن فیلانی، فٹ بالر
بیلجیئم سے تعلق رکھنے والے فٹ بالر موروئن فیلانی چین کی فٹ بال سپر لیگ مقابلوں میں حصہ لے رہے تھے جہاں انہیں کورونا کی وبا نے متاثر کیا ہے۔
