بھارت میں کورونا وائرس کا ایک نوجوان مریض اپنی گرل فرینڈ کی بے وفائی پر اس کے منہ پر چھینک کر فرار ہو گیا۔
رپورٹ کے مطابق بھارتی ریاست مہاراشٹر کے ایک نوجوان کو اس کی گرل فرینڈ نے دھوکا دیا تھا، اس بے وفائی کے باعث وہ شدید غم و غصے کا شکار تھا۔
گذشتہ دنوں اس شخص میں کورونا کی تصدیق ہوئی تو اس نے بے وفائی کا بدلہ لینے کا فیصلہ کیا اور اپنی گرل فرینڈ کے منہ پر چھینک مار کر فرار ہو گیا۔
بھارت میں 21 روز کے لاک ڈاؤن کا اعلان، کوئی گھر سے نہیں نکل سکے گا
بھارت کے مزاحیہ اداکار جسویندر بھلا کی عوام کو گھروں میں رہنے کی دلچسپ اپیل
کورونا وائرس: کینیڈین وزیراعظم جسٹن ٹروڈو گھر پر ڈنر پارٹیاں کرنیوالے سے تنگ
چین کے شہر ووہان سے پھیلنے والی اس وبا نے دیکھتے ہی دیکھتے پوری دنیا کو اپنی لپیٹ میں لے لیا ہے۔ ہر طرف لوگوں میں اس کی وجہ سے خوف و ہراس پھلا ہوا ہے۔
بھارت میں بھی کورونا کے کیسز میں تیزی سے اضافے کی وجہ سے خوف کی فضا پھیلی ہوئی ہے، وزیراعظم نریندر مودی نے ملک بھر میں 21 دن کا سخت لاک ڈاؤن نافذ کر دیا ہے۔
اس وبا سے دنیا میں اب تک 19 ہزار سے زائد افراد ہلاک ہو چکےہیں جبکہ روزانہ ہزاروں لوگ اس کا شکار ہو رہے ہیں۔
پاکستان میں بھی صوبہ سندھ اور پنجاب میں کسی حد تک لاک ڈاؤن جاری ہے تاہم شہری اب بھی گھروں میں رہنے کو تیار نظر نہیں آتے۔
اسی وجہ سے وزیراعظم عمران خان پر دباؤ بڑھ رہا ہے کہ وہ ملک میں کرفیو نافذ کر دیں تاکہ لوگ اپنے گھروں تک محدود ہوں اور اس وبا کو پھیلنے سے روکا جا سکے۔
یاد رہے کہ پاکستان میں اب تک تقریباً ایک ہزار افراد میں کورونا وائرس کی تشخیص ہو چکی ہے جبکہ سات افراد اس کے ہاتھوں زندگی کی بازی ہار چکے ہیں۔
