لاہور کے علاقے شاہدرہ میں ایل پی جی ٹینکر الٹنے سے گیس کا اخراج شروع ہو گیا اور پھیلی ہوئی گیس نے دیکھتے ہی دیکھتے آگ پکڑ لی جس نے علاقے کے لوگوں، پیٹرول پمپ، گاڑیوں اور موٹر سائیکلوں کو اپنی لپیٹ میں لے لیا۔
نقار خانہ کو موصول ہونے والی متعدد ویڈیوز میں دیکھا جا سکتا ہے کہ ٹینکر سے پہلے گیس کا اخراج شروع ہوا جس نے آگ پکڑ کو منٹوں میں اطراف میں موجود ہر چیز کو اپنی لپیٹ میں لے لیا۔
آگ نے قریب موجود شیل پیٹرول پمپ تک پہنچ گئی جو اس کی پوری طرح تباہ ہو گیا، ویڈیوز میں موجود مناظر سے یہ بات سامنے آتی ہے کہ آگ اسقدر تیزی سے بھڑک اٹھی کہ کسی کو سنبھلنے کا موقع نہ مل سکا۔
اس وقت پورے علاقے میں خوف و ہراس پھیلا ہوا ہے اور لوگ آگ سے دور بھاگ رہے ہیں۔
یاد رہے کہ گیس میں سفید رنگ شامل کیا جا تا ہے تاکہ اس کے اخراج کی صورت میں بروقت علم ہو سکے۔
موبائل پر بنی ہوئی ویڈیوز میں دیکھا جا سکتا ہے کہ گیس کا اخراج سفید رنگ کے دھوئیں کی طرح شروع ہوا جو ہر طرف پھیل گیا، بعد ازاں اس میں آگ بھڑک اٹھی جو لمحوں میں دور دور تک پھیل گئی۔
امدادی ٹیموں کے پہنچنے سے قبل ہی آگ اپنا کام دکھا چکی تھی، تاہم فائربریگیڈ اور دیگر اداروں نے آگ پر قابو پانے کی کوشش کی اور اس کی لپیٹ میں آ کر جھلس جانے والے افراد کو اسپتال پہنچانے کا کام شروع کر دیا۔
یہ ابتدائی خبر ہے، اس کی تفصیل تھوڑی دیر تک ۔۔۔
