کورونا کی وبا سے برطانوی شاہی خاندان بھی محفوظ نہ رہا، پرنس آف ویلز شہزادہ چارلس میں وائرس کی تصدیق ہوگئی ہے۔
لندن میں برطانوی شاہی رہائش گاہ کلیرنس ہاؤس کی جانب سے جاری بیان میں 71سالہ شہزادے چارلس میں کورونا وائرس کی تصدیق کر دی گئی ہے۔
بیان میں کہا گیا ہے کہ 71 سالہ شہزادہ چارلس کو اسکاٹ لینڈ کے بالمورال قلعہ میں تنہائی میں رکھا گیا ہے۔ شاہی ترجمان کی جانب سے مزید بتایا گیا ہے کہ ان کی صحت ٹھیک ہے اور ان میں کورونا وائرس کی ہلکی علامات ہیں۔
کورونا وائرس کا علاج کرنے والے برطانوی ڈاکٹر کی درد بھری داستان
کورونا وائرس، جمائمہ خان نے برطانوی حکومت کو خبردار کر دیا
کورونا وائرس کی شکار برطانیہ کی پاکستانی نژاد نرس اریمہ نسرین کی کہانی
ترجمان کی جانب سے مزید کہا گیا ہے کہ اس بات کا اندازہ لگانا مشکل ہے کہ شہزادہ چارلس کو کورونا وائرس کہاں سے لگا کیونکہ حالیہ ہفتوں میں انہوں نے کئی عوامی تقریبات میں شرکت کی۔
برطانیہ میں کورونا وائرس کے تصدیق شدہ کیسز کی تعداد 8 ہزار سے تجاوز کر گئی ہے جبکہ اب تک کورونا وائرس سے 422 افراد ہلاک ہوچکے ہیں۔
