سماجی رابطہ کی ویب سائیٹ ٹویٹر پر ایک صارف ارم زعیم نے ایک ویڈیو شیئر کی ہے جس میں نجی سروس سکائی ویز کا عملہ بس میں نیچے سامان رکھنے کی جگہ سواریوں کو بٹھا ر ہا ہے۔
ویڈیو بنانے والا شخص ویڈیو میں بتا رہا ہے بس میں سامان رکھنے کی جگہ پر سواریوں کو بٹھایا جا رہا ہے اور کسی حکومتی ادارے کی جانب سے کوئی چیکنگ نہیں کی جارہی۔
ویڈیو بنانے والے شخص نے حکومتی اداروں کی غفلت پر شدید تنقید کرتے ہوئے کہا ہے کہ انتظامیہ کی بے حسی کے باعث لاک ڈاؤن کہیں نظر نہیں آ رہا۔
#SkyWays والے حکومت کی طرف سے دی گئی وارنگز اور پابندی کا مذاق اُڑاتے،سامان رکھنے والی جگہ پر مسافر بند کر کے لے کر جا رہے ہیں
یہ سب #COVID19Pakistan کو اتنا پھیلا رہے ہیں کہ حالات کسی کے اختیار میں نہیں رہنے@NHMPofficial @CcpoLahore @ICT_Police @PeshawarCCPO کوئی ہے چیکنگ پر ؟ pic.twitter.com/AjXnl4eh6F
— Erum Zaeem (@ErummKhan) March 25, 2020
انہوں نے سماجی دوری کے حکومتی اعلانات پر بھی کڑی تنقید کی اور اس خدشے کا اظہار کیا کہ اس حالت میں مسافروں کو اکٹھا ٹھونس دینے سے کورونا وائرس مزید پھیل سکتا ہے۔
پاکستان میں کورونا کے مریضوں کی تعداد ایک ہزار سے تجاوز کر گئی
کورونا کا علاج کرنے والے ڈاکٹروں نے عوام سے مدد مانگ لی
کورونا وائرس: کینیڈین وزیراعظم جسٹن ٹروڈو گھر پر ڈنر پارٹیاں کرنیوالے سے تنگ
دنیا کے دیگر ممالک کی طرح پاکستان میں بھی کورونا کی وبا تیزی سے اپنے پنجے گاڑ رہی ہے، اس وقت تک مریضوں کی تعداد ایک ہزار سے تجاوز کر چکی ہے۔
صوبائی اور وفاقی حکومتوں نے لاک ڈاؤن نافذ کر دیا ہے جبکہ عوام کو بھی گھروں میں رہنے اور باہر نکلنے کی صورت میں ایک دوسرے سے دور رہنے کی ہدایت کی گئی ہے۔
