کورونا کی وجہ سے بھارت بھر میں لاک ڈاؤن جاری ہے اور گھروں سے نکلنے والے شہریوں کے ساتھ سختی برتی جا رہی ہے۔
ایسے میں ہی لاک ڈاؤن کے دوران بھارت کی ریاست اتر پردیش میں گھروں کو جانے والے مسافروں کے ساتھ پولیس کی طرف سے بدترین رویہ اپنایا گیا جس کی ویڈیو این ڈی ٹی وی کے رپورٹر ”الوک پانڈے“ Alok Pandeyکی طرف سے ٹوئیٹر اکاؤنٹ پر اپ لوڈ کی گئی اور پولیس حکام کو ساتھ ٹیگ بھی کیا گیا۔
الوک پانڈے کی طرف سے کی گئی ٹویٹ کے بعد بھارتی پولیس کو شدید تنقید کا سامنا کرنا پڑا کہ مجبوری کی حالت میں نکلنے والوں کی مددکی بجائے انہیں بدترین رویے کا سامنا رہا۔
لاک ڈاؤن کی وجہ سے بھارت میں فیکٹریوں کو بھی بند کر دیا گیا جس کی وجہ سے مزدوروں کو لاک ڈاؤن کے باوجود مجبوراً اپنے آبائی گھروں کو روانہ ہونا پڑا۔
کورونا وائرس کے خلاف جنگ، بھارت کے امیرترین افراد میدان میں آ گئے
کورونا وائرس: بھارتی اداکار اکشے کمار اپنے ویڈیو پیغام میں جذباتی ہو گئے
ایران میں کورونا وائرس پر پاکستان ناکام، بھارت کیسے کامیاب ہوا؟
ایسے ہی کچھ مسافر Budaunپولیس کے قابو میں آ گئے۔ پولیس کی طرف سے مسافروں کو سزا کے طور پر ”مینڈک چال“ چلنے پر مجبور کیا گیا۔
جب اعلیٰ حکام نے ویڈیودیکھی تو پولیس کی طرف سے غلطی کا اعتراف کرتے ہوئے معافی مانگ لی گئی ہے اور کہا گیا ہے کہ عوام کے ساتھ ایسا برتاؤ نہیں ہونا چاہئے تھا۔
This is shameful ,@budaunpolice . Instead of offering water, some solace to these migrant workers returning home amid the #Lockdown21 , your men are punishing them like this ? What is their fault if their factory owners are kicking them out ? @upcoprahul please intervene ! pic.twitter.com/nyFZgQwtoD
— Alok Pandey (@alok_pandey) March 26, 2020
اس کے ساتھ ساتھ پولیس کی طرف سے وضاحت کی گئی ہے کہ یہ واقعہ تھانہ سول لائن میں پیش آیا، ایک ٹرینی کانسٹیبل کو ڈیوٹی پر مامور کیا گیا تھا اور اس نے اپنے طور پر اس طرح کی سزا دینے کا فیصلہ کیا تھا۔
جیسے ہی متعلقہ تھانے کے انسپکٹر کو خبر ہوئی انہوں نے کانسٹیبل کو ڈانٹ ڈپٹ کرنے کے بعد ڈیوٹی سے ہٹا دیا، پولیس حکام کی طرف سے انکوائری کا حکم بھی دے دیا گیا ہے۔
That's very prompt and humble action taken by @budaunpolice . Mistakes do happen, but acknowledgement and correction is praise worthy.
— Sushil S. Agarwal (@jivanmukt) March 26, 2020
عمومی طور پر پولیس اپنی غلطی کو تسلیم نہیں کرتی ہے اس لیے پولیس کی طرف سے غلطی کا اعتراف کرنے اور معافی مانگنے کے عمل کو خوب سراہا جا رہا ہے۔
پاکستان میں لاک ڈاؤن کے بعد سندھ پولیس کی طرف سے عوام پر تشدد کی ویڈیو منظر عام پر آنے بعد تا حال کسی کی طرف سے معافی مانگی گئی ہے اور نہ ہی غلطی کا اعتراف کیا گیا ہے۔
