عراق کے دارالحکومت بغداد کے الصالحیہ رہائشی کمپلیکس میں لفٹ ساتویں منزل سے اچانک زمین پر جا گری، واقعے کی اندرونی سی سی ٹی وی فوٹیج نے خوف و ہراس پھیلا دیا۔
ویڈیو کے مطابق ایک ہی خاندان کے 8 افراد لفٹ میں سوار تھے کہ تکنیکی خرابی کے باعث تاریں ٹوٹ گئیں اور لفٹ چند سیکنڈ میں تیزی سے نیچے جا گری۔ حادثے میں 7 افراد شدید زخمی ہوئے اور انہیں فریکچر بھی آئے، تاہم تمام 8 افراد کی جانیں محفوظ رہیں۔
واقعے کے بعد عراق میں لفٹوں کی دیکھ بھال اور بلند عمارتوں کے حفاظتی معیار پر بحث چھڑ گئی ہے۔
