انڈیا ٹوڈے کے صحافی شیو اروڑ نے اپنے ٹویٹر اکاؤنٹ پر دہلی آنند وہاڑ بس ٹرمینل کی ویڈیو شیئر کی ہے جس میں ہزاروں کی تعداد میں مسافر بسوں کے انتظار میں کھڑے دکھائی دیتے ہیں جبکہ پولیس اہلکار انہیں مناسب فاصلے پر کھڑا کرنے میں بے بس نظر آرہے ہیں۔
اس ویڈیو کے شیئر ہونے کے بعد سینکڑوں کی تعداد میں بھارتی شہریوں نے وزیراعلیٰ دہلی اروند کیجریوال کو شدید تنقید کا نشانہ بنایا ہے۔
بھارتی شہری پراشانت نے کیجریوال پر شدید تنقید کرتے ہوئے کہا ہے کہ آپ مکمل طور پر ناکام ہوچکے ہیں اور وزارت اعلیٰ کے منصب کے لیے ان فٹ ہیں۔
کورونا وائرس سے بچاؤ کا طریقہ بتانے والی بھارتی وزیراعلیٰ کی ویڈیو وائرل
بھارت میں لاک ڈاؤن کی خلاف ورزی پر مزاحیہ سزا کی ویڈیو وائرل
ایک شہری نے اپنے کمنٹ میں کہا ہے کہ یہ عام آدمی پارٹی کی سازش ہے جو غریب ہندوؤں کو دہلی سے باہر دھکیل رہی ہے۔
اتر پردیش حکومت نے وزیراعلیٰ دہلی اروند کیجریوال اور عام آدمی پارٹی پر شدید تنقید کرتے ہوئے کہا ہے کہ دہلی سرکار گھٹیا سیاست کھیل رہی ہے اور کورونا وائرس جیسی عالمی وباء کے دوران جھوٹ اور افواہیں پھیلا کر لوگوں کی زندگیوں کو خطرے میں ڈال دیا گیا ہے۔
اترپردیش حکومت نے الزام لگایا ہے کہ ان کی حکومت نے دہلی میں کام کرنے والے اترپردیش اور بہار کے ہزاروں مزدوروں کے بجلی، گیس اور پانی کے کنکشن منقطع کر دیے اور انہیں ڈی ٹی ایس بسوں کے ذریعے اتر پردیش بارڈر پر لا کر بے یارو مددگار چھوڑ دیا گیا ہے۔
Scenes a short while ago at Delhi’s Anand Vihar bus terminus. pic.twitter.com/1iO4QkWHFc
— Shiv Aroor (@ShivAroor) March 28, 2020
اطلاعات کے مطابق دہلی میں ملک بھر سے تعلق رکھنے والے ہزاروں ورکرز کے درمیان یہ افواہ پھیلائی گئی کہ اترپردیش اور بہار کی حکومتوں نے انہیں اپنے گھروں تک چھوڑنے کے لیے بسوں کا انتظام کیا ہے جو اتر پردیش بارڈر پر موجود ہیں۔
اس افواہ پر یقین کرتے ہوئے ہزاروں ورکرز گھرجانے کے لیے جب افراتفری میں بس ٹرمینل پہنچے تو وہاں کوئی خاص انتظام نہ تھا۔ کیجریوال حکومت کی اس انتظامی غفلت پر اسے مختلف ریاستوں کی جانب سے شدید تنقید کا نشانہ بنایا جارہا ہے۔
