گزشتہ چند دنوں سے سندھ میں کورونا کے مریضوں کی تعداد باقی تمام صوبوں کی نسبت زیادہ تھی مگر اچانک سے پنجاب میں یہ تعداد تیزی سے بڑھنا شروع ہو گئی اور دیکھتے ہی دیکھتے اس نے سندھ کو بھی پیچھے چھوڑ دیا۔
وزیراعلیٰ پنجاب عثمان بزدار کے مطابق صوبہ بھر میں کورونا مریضوں کی تعداد 708 ہو گئی ہے۔
ان کے مطابق ڈیرہ غازی خان،ملتان، رائیونڈ اور فیصل آباد کے قرنطینہ سنٹر میں کورونا کے مریضوں کی تعداد 337 ہے۔
لاہور میں مریضوں کی تعداد 154،
جہلم میں 28، گوجرانوالہ میں 12، فیصل آباد میں 9، منڈی بہاء الدین میں 4، حافظ آباد میں 5، ڈیڑہ غازی خان میں 5، میانوالی میں 3، رحیم یار خان میں 3، سرگودھا میں 2، ملتان میں 2، وہاڑی میں 2، بہاولنگر میں 3، بہاولپور میں 1، ناروال میں 2، اٹک میں 1، قصور میں 1، لیہ میں 1 اور خوشاب میں بھی 1 ہے۔
رائیونڈ مرکز میں تبلیغی جماعت کے27 افراد میں کورونا وائرس کی تصدیق
پاکستان میں کورونا سے مزید 2 افراد جاں بحق، مریضوں کی تعداد میں اضافہ جاری
پاکستان میں کورونا کے مریضوں کی تعداد بہت بڑھ سکتی ہے، ڈاکٹر عطاالرحمان
پنجاب بھر میں اب تک 9 اموات واقع ہوچکی ہیں اور لاک ڈاؤن نافذ ہیں، لیکن لوگ گھروں میں بیٹھنے کو تیار نہیں ہیں جس کے باعث گرفتاریوں اور سزاؤں کی نوبت آ چکی ہے۔
کورونا کے شکار مریض قرنطینہ میں رہنے کے لیے تیار نہیں ہیں۔ لیہ میں قرنطینہ سے فرار ہونے والے ایک مشتبہ مریض نے پولیس افسر پر حملہ کر کے انہیں زخمی کیا گیا ہے۔
گزشتہ روز پنجاب حکومت کی طرف سے ایک آرڈیننس جاری کیا گیا ہے جس کے مطابق قرنطینہ سنٹر یا علاج کی جگہ سے فرار ہونے یا پھر بھاگنے کی کوشش کرنے والوں کو پہلی دفعہ چھ ماہ قید اور 50 ہزار روپے جرمانہ ہو گا جبکہ دوسری مرتبہ ایسی کوشش کی صورت میں ڈیڑھ سال قید اور ایک لاکھ روپے جرمانہ کیا جائے گا۔
