پرائیویٹ اسکولوں کی اپریل اور مئی کی فیسوں میں 20 فیصد کمی کا امکان ہے، پنجاب حکومت اس حوالے سے حتمی فیصلہ کرے گی۔
اس سے قبل حکومت پنجاب نے تمام پرائیویٹ اسکولوں کو ان دو ماہ کے لیے 50 فیصد فیس وصول کرنے کی تجویز پیش کی جسے تمام اسکول مالکان نے رد کر دیا۔
کورونا وائرس کے باعث تمام اسکولز اور دیگر تمام تعلیمی ادارے 31 مئی تک بند کر دیے گئے ہیں اور ان دو ماہ کو گرمیوں کی تعطیلات قرار دے دیا گیا ہے۔
کورونا وائرس کے بائث عوام بے پناہ مشکلات کا شکار ہے، لاک ڈاون کے باعث میڈیکل اسٹورز اور کریانہ اسٹورز کے علاوہ دیگر تمام کاروبار مکمل طور پر بند ہیں۔
مودی حکومت نے بھارت میں آزادی صحافت کا خاتمہ کیسے کیا؟
کورونا وائرس کے باعث دنیا کے تعلیمی نظام کی تشکیل نو ہو رہی ہے
اس مشکل گھڑی میں لوگ بہت مشکل سے گھر کے معاملات چلا رہے ہیں، ایسے میں سکول کی فیسوں کا بوجھ اٹھانا مشکل بن گیا ہے۔
اسی وجہ سے حکومت پنجاب پرائیویٹ اسکولز ایسوسی ایشن پر زور دے رہی ہے کہ وہ دو ماہ کے دوران فیسوں میں کمی کریں، تاہم اس ضمن میں آج فیصلہ متوقع ہے۔
پاکستان میں اسکول مالکان بھی کسی مافیا سے کم نہیں ہیں، سپریم کورٹ آف پاکستان میں سابق چیف جسٹس ثاقب نثار نے اسکولوں کی فیسوں کا معاملہ سنا تھا مگر یہ مافیا وہاں بھی سرخرو ہوئی تھی۔
