کورونا وباء سے متاثرہ ایران کو یورپ کے تین اہم ممالک، برطانیہ، فرانس اور جرمنی، نے پہلی مرتبہ انسٹیکس نامی ایک پیچیدہ مالی نظام استعمال کرتے ہوئے طبی امداد فرہم کر دی ہے۔
جرمنی کی وزارت خارجہ کے مطابق امریکی صدر ڈونلڈ ٹرمپ کی جانب سے ایران پر عائد پابندیوں کیخلاف قائم کیے جانیوالے نئے انسٹیکس نظام کے ذریعے طبی سازو سامان ایران پہنچ گیا ہے۔
مارچ کے اوائل میں برطانیہ، جرمنی اور فرانس نے کورونا وائرس کیخلاف نبردآزما ایران کو پانچ ملین یورو کے پیکیج کی پیشکش کی تھی جس میں ایران کو طبی آلات اور حفاظتی لباس بھی فراہم کرنے کا کہا گیا ۔
کورونا وائرس کا علاج، سوشل میڈیا پر پھیلی افواہ نے 300 ایرانیوں کی جان لے لی
جرمنی میں کورونا سے اموات کی شرح دنیا میں سب سے کم کیوں؟ ایک تفصیلی رپورٹ
اٹلی میں کورونا سے ہلاکتوں کی اصل تعداد کہیں زیادہ ہے
امکان ظاہر کیا جا رہا ہے کہ امریکہ کی جانب سے پابندیوں کی وجہ سے ڈالرز میں ادائیگیوں سے بچنے کے لیے مستقبل میں برطانیہ کی جانب سے انسٹیکس پروگرام کا استعمال کیا جائے گا۔ یہ پروگرام خاص طور پر کورونا وباء سے نمٹنے کے لیے طبی سازو سامان فراہم کرنے کی غرض سے ترتیب دیا گیا ہے۔
امریکی صدر ڈونلڈ ٹرمپ کی نیو کلیئر ڈیل سے علیحدگی کے بعد ایران کو شکایت تھی کہ یورپی یونین نے امریکی پابندیوں کے خوف سے اس کے ساتھ تجارت بند کر دی ہے۔
یہ بات تسلیم کی گئی ہے کہ امریکہ کی جانب سے عائد پابندیوں کی وجہ سے کورونا وباء کے دوران ایران کو بہت زیادہ طبی سازو سامان کی کمی کا سامنا کرنا پڑا جس سے پورے ملک میں وائرس سے زیادہ نقصان ہوا ہے ۔
پچھلے دو ہفتوں کے دوران ایران نے جارحانہ سفارت کاری کے ذریعے یورپی یونین و دیگر ممالک سے مطالبہ کیا تھا کہ وہ امریکی پابندیوں کی پرواہ نہ کرتے ہوئے کورونا وباء سے لڑنے کے لیے ایران کو طبی امداد فراہم کریں
