کورونا وبا کے دوران ایثار اور قربانی کی بے شمار مثالیں دنیا میں دیکھنے کو مل رہی ہیں، ایسی ہی ایک مثال کولوراڈو میں سامنے آئی ہے جہاں کی رہائشی کیرن ایولتھ نے اپنے سات سالہ پالتو کتے کو بیمارہمسائی کے لیے کھانا پہنچانے کی ذمہ داری سونپی ہے جسے وہ بخوبی نبھارہا ہے۔
71 سالہ رینی ہلمن امریکی ریاست کولوراڈو کے مانیٹو سپرنگز میں رہائش پذیر ہیں جو دل اور پھیپھڑوں کے عارضہ میں مبتلا ہیں اور کورونا وباء کی وجہ سے پچھلے تین ہفتوں سے گھر پر ہیں۔
لوگوں کا کہنا ہے کہ اس عمر میں ان کے لیے کورونا وائرس بہت خطرناک ہے، یہی وجہ ہے کہ ان کی ہمسائی کیرن ایولتھ نے اپنے سات سالہ پالتو کتے کی تربیت کی ہے جو انہیں روزانہ کھانا پہنچا رہا ہے۔
سات سالہ سندانس کورونا وباء کی وجہ سے سوشل ڈسٹنسنگ کے پہلو کو مد نظر رکھتے ہوئے 71سالہ بوڑھی ہمسائی کے گھر گروسری سامان پہنچارہا ہے.
کورونا وبا کے سائے تلے امریکہ میں مقیم بھارتی خاندان کی دلچسپ شادی
کورونا کے شکار اٹلی کے 72 سالہ پادری نے قربانی کی لازوال داستان رقم کر دی
کورونا وائرس وبا کا خاتمہ کیسے ہوگا؟
ایولتھ نے سی این این سے گفتگو میں بتایا کہ وہ کھانا تیار کرتی ہیں جسے سندانس، رینی کے گھر پہنچانے کے بعد خالی برتن واپس لے آتا ہے۔
انہوں نے بتایا کہ عام طور پر سنی نام کا یہ پالتو آٹھ پاؤنڈ وزن تک چکن، آٹے کا پیکٹ اور خالی برتن اٹھا لیتا ہے۔
71 سالہ ہلمن کہتی ہیں کہ وہ روزانہ کچھ نہ کچھ بھیجتے رہتے ہیں اور یہ کام سنی خوشی خوشی انجام دے رہا ہے۔
ایولتھ نے بتایا کہ انہیں کتے کی اس طرح کی تربیت کرنے کا خیال ڈینور کے ایک اسپتال میں لوگوں کو تسلی دینے والے ایک کتے کے بارے میں کہانی دیکھتے ہوئے آیا۔
A woman trained her dog to deliver groceries to a neighbor with health problems https://t.co/kaNDkpyQbT pic.twitter.com/zGpKsIbMO1
— CNN (@CNN) April 5, 2020
ایولتھ کا کہنا تھا کہ سندانس ہمیشہ دوسروں کی مدد کے لیے بے چین رہتا ہے اسی لیے انہوں نے اپنے کتے کو ’شائستہ ہیرو‘ کا نام دیا ہے۔
