لندن : برطانوی وزیراعظم بورس جانسن جو کوورنا وائرس کا شکار ہو گئے تھے انہیں اب لندن اسپتال داخل کر دیا گیا ہے۔
اس سے پہلے 27 مارچ کو بتایا گیا تھا کہ وزیراعظم کا کورونا وائرس کا ٹیسٹ مثبت آیا ہے، جس کے باعث انہیں سرکاری رہائش گاہ میں قرنطینہ میں رہنا پڑے گا اور وہ حکومتی معاملات گھر سے ہی دیکھیں گے۔
دس دن گھر میں رہنے کے باوجود کورونا کی علامات برقرار رہیں اور انہیں مسلسل بخار تھا جس پر انہیں آج اسپتال داخل کر دیا گیا ہے۔
اس دوران ان کا ایک ویڈیو پیغام سامنے آیا تھا جس میں انہوں نے وائرس کا شکار ہونے کی تصدیق کی تھی۔
کورونا کا شکار ہونے والے برطانوی وزیراعظم بورس جانسن اسپتال داخل
برطانوی وزیراعظم بورس جانسن کی حاملہ منگیتر بھی کورونا وائرس کا شکار
کورونا وائرس کی شکار برطانیہ کی پاکستانی نژاد نرس اریمہ نسرین کی کہانی
اگرچہ سرکاری طور پر بورس جانسن ہی حکومت کے سربراہ ہیں تاہم پیر کو کورونا وائرس کے متعلق ہونے والے اجلاس کی صدارت سیکرٹری خارجہ کریں گے۔
ڈاؤننگ اسٹریٹ کی ترجمان نے سرکاری بیان میں کہا ہے کہ ڈاکٹر کے مشورے پر انہیں ٹیسٹس کے لیے اسپتال داخل کیا گیا ہے۔
انہوں نے کہا کہ یہ احتیاطی قدم ہے کیونکہ وزیراعظم میں دس روز سے مستقل کورونا کی علامات موجود تھیں۔
