بھارت کی جانب سے کورونا وبا کا پھیلاؤ روکنے کیلئے کیے گئے لاک ڈاؤن سے کرہ ارض پر موجود آلودہ ترین شہروں کی فضائیں صاف شفاف ہو گئی ہیں۔ لاک ڈاؤن کے باعث ٹرینیں، جہاز، گاڑیاں اور فیکٹریاں بند ہو گئی ہیں جس سے بھارتی شہریوں کو نیلا آسمان دیکھنے کا موقع ملا ہے۔
2019 کی ’ورلڈ ائیر کوالٹی رپورٹ‘ میں انکشاف کیا گیا تھا کہ دنیا بھر کے آلودہ ترین 20 شہروں میں 14 شہر صرف بھارت کے ہیں۔ تازہ ترین اعداد و شمار کے مطابق اب دنیا کے آلودہ ترین شہروں میں بھارت کے صرف 2 شہر شامل ہیں۔
بھارت کے سینٹرل پالیوشن کنٹرول بورڈ کے 29 مارچ کو جاری شدہ اعداد و شمار میں بتایا گیا تھا کہ لاک ڈاؤن کی وجہ سے ملک کے 103 شہروں کی ائیرکوالٹی میں بہتری دیکھنے میں آئی ہے۔
بھارت میںلاک ڈاؤن بیروزگاری، اموات، ہجرت اور بھوک کی دردناک داستان بن گیا
یورپ میںلاک ڈاؤن کے باعث کرہ ارض کی سانسیں بحال ہونے لگیں
کورونا وائرس لاک ڈاؤن: پاکستانی شہر آلودگی سے پاک ہونے لگے
لاک ڈاؤن کے باعث انسانی اور معاشی سرگرمیاں ختم ہونے سے بھارتی فضاؤں نے سکھ کا سانس لیا ہے۔ لاک ڈاؤن سے ختم ہونیوالی آلودگی کورونا وائرس وبا سے لڑنے میں بھی مددگار ثابت ہو گی اور اس سے فضائی آلودگی سے ہونیوالی اموات میں بھی کمی ہوئی ہے۔
عالمی ادارہ صحت کے مطابق آلودہ ہوا سے دنیا بھر میں سالانہ 70 لاکھ اموات ہوتی ہیں۔
بھارتی ماہر امراض تنفس پنکج سیال کے مطابق لاک ڈاؤن کے بعد سانس کی بیماریوں میں مبتلاء افراد میں واضح کمی دیکھنے میں آئی ہے۔
بھارت میں کورونا وائرس سے متاثرہ افراد کی تعداد 5311 ہو چکی ہے جبکہ اس سے مرنیوالوں کی تعداد 150 ہے۔
