دنیا بھر میں اب تک کورونا وائرس کے 16 لاکھ 98 ہزار سے زائد تصدیق شدہ کیسز رپورٹ ہو چکے ہیں جبکہ کہ ایک لاکھ 2 سو سے زائد اموات ہوئیں ہیں۔
دنیا بھر میں کورونا وائرس کی تباہ کاریاں مسلسل جاری ہیں۔ تقریباً ساڑھے تین مہینے گزرنے کے بعد بھی اس وائرس کی شدت میں کمی واقع نہیں ہو رہی۔
جانز ہاپکنز یونیورسٹی کے اعدادوشمار کے مطابق اس خطرناک وائرس نے دنیا کے 185 ممالک کو اپنی لپیٹ میں لے رکھا ہے۔ اس وائرس نے چین، اٹلی،اسپین،فرانس، برطانیہ اور امریکہ کو سب سے زیادہ متاثر کیا اور اب یہ ایشائی ممالک کو بھی اپنی لپیٹ میں لے رہا ہے۔
ماہرین کا خیال ہے کہ اموات کی شرح اس سے کہیں زیادہ ہے جس کی ایک وجہ ان متاثرہ افراد کی ہلاکتیں ہیں جو اسپتال میں زیر علاج ہی نہیں اور ٹیسٹنگ کٹس کی کمی کے باعث ان کا ٹیسٹ نہیں کیا جاسکا۔
کورونا وبا کے خلاف جنگ میں اٹلی کے 100 سے زائد ڈاکٹرز جان کی بازی ہار گئے
ویکسین تیار ہونے سے پہلے لاک ڈاؤن کا خاتمہ کورونا وبا کو واپس لا سکتا ہے، ماہرین کا انتباہ
کورونا وبا سعودی عرب کے شاہی خاندان تک پہنچ گئی
اس وقت تک اٹلی میں 18 ہزار 8 سو، امریکہ میں 17 ہزار 7 سو، اسپین میں 16 ہزار جبکہ فرانس میں 13 ہزار سے زیادہ اموات واقع ہو چکی ہیں۔
پاکستانی میں اس وقت کروونا وائرس کے متاثرہ افراد کی مجموعی تعداد تقریباً 5 ہزار ہے جبکہ 70 سے زائد اموات ہو چکی ہیں۔ پاکستان میں کروونا سے متاثرہ افراد میں سے 727 صحت یاب ہوئے ہیں۔
واضح رہے کہ دنیا بھر میں کے کئی ممالک میں لاک ڈاؤن کا سلسلہ جاری ہے اور مقامی حکومتوں نے اپنی عوام سے ایسٹر (کرسچین براداری کا مذہبی تہوار) گھر میں ہی گزارنے کی اپیل کی ہے۔
نیوزی لینڈ اور آسٹریلیا نے بھی اپنی عوام کو ایسٹر پر احتیاط اور سماجی دوری کو برقرار رکھنے کی اپیل کی گئی ہے۔
