امریکہ دنیا کا واحد ملک ہے جس میں کورونا کی وجہ سے ایک ہی دن میں 2 ہزار سے زائد ہلاکتیں ہو چکی ہیں، اعدادو شمار کے مطابق گزشتہ 24 گھنٹوں کے دوران 2 ہزار ایک سو سے زائد افراد کی موت واقع ہوئی ہے۔
اموات کی بڑھتی ہوئی تعداد کے باعث امریکہ میں اجتماعی قبروں میں تدفین شروع کر دی گئی ہے۔
ڈرون سے بنائی گئی ایک ویڈیو سامنے آئی ہے جس میں نیویارک میں واقع ایک اجتماعی قبر میں تدفین کا عمل دیکھا جا سکتا ہے۔
یہ ویڈیو ہارٹ آئی لینڈ میں بنائی گئی ہے جہاں گزشتہ ڈیڑھ سو برسوں سے لاوارث لوگوں کو دفنایا جا رہا ہے یا پھر ان لوگوں کی تدفین کی جاتی ہے جن کے ورثاء تدفین کے اخراجات برداشت کرنے کے قابل نہیں ہوتے ہیں۔
قرنطینہ اور تنہائی، امریکہ میں کتوں کی طلب بڑھ گئی
امریکہ میں کورونا کیوں پھیلا؟ نئے حقائق سامنے آ گئے
امریکہ میں کورونا کی تباہی کی سمندری طوفان سے تشبیہ
اس وقت دنیا بھر میں کورونا سے ہونے والی اموات میں امریکہ سر فہرست ہے جہاں اب تک 19 ہزار 6 سو افراد وبا سے ہلاک ہو چکے ہیں۔
امریکی صدر ڈونلڈ ٹرمپ نے کہا ہے کہ امریکہ میں ایک لاکھ اموات متوقع تھیں لیکن امید ہے کہ حکومت کی جارحانہ حکمت عملی کے باعث اس سے کم لوگ ہلاک ہوں گے۔
امریکہ میں اب تک کورونا وائرس کے مصدقہ مریضوں کی تعداد 5 لاکھ سے بڑھ چکی ہے۔
اس سے قبل دنیا میں کورونا وائرس کے باعث سب سے زیادہ اموات اٹلی میں ہوئی تھیں جہاں اب تک 18 ہزار 8 سو سے زائد افراد ہلاک ہو چکے ہیں۔
اس وبا نے اسپین میں بھی بڑی تباہی پھیلائی ہے اور اب تک 16 ہزار 4 سو 80 لوگوں کو کھا چکی ہے۔
