کورونا وائرس سے بری طرح متاثرہ ملک اٹلی میں مافیا نے گھروں میں قرنطینہ ہونے والے غریب افراد میں کھانے کی تقسیم شروع کر دی ہے۔
اٹلی کے حکام کی جانب سے خبردار کیا گیا ہے کہ مافیا غریب اور نادار افراد کی مدد کرکے عوامی حمایت حاصل کر رہا ہے۔
تفصیلات کے مطابق اٹلی کے غربت زدہ علاقوں جن میں سسلی، کالابریا، پگلیا اور کمپانیا شامل ہیں، میں مافیا کی جانب سے عوام کی مدد کی ویڈیوز سامنے آئی ہیں۔
کورونا وبا کے خلاف جنگ میں اٹلی کے 100 سے زائد ڈاکٹرز جان کی بازی ہار گئے
کورونا کے شکار اٹلی کے 72 سالہ پادری نے قربانی کی لازوال داستان رقم کر دی
کورونا وباء کے باعث بیروزگاری تاریخ کی بلند ترین سطح تک پہنچ جائے گی، ماہرین معاشیات
مبصرین کی جانب سے خبردار کیا جا رہا ہے کہ اگر ریاست کی جانب سے غریب افراد کی مدد کیلئے اقدامات نہ اٹھائے گئے تو مافیا ایسے غربت زدہ علاقوں میں لوگوں پر اپنی مرضی مسلط کرنے میں کامیاب ہو جائے گا۔
اٹلی میں حکام نے کہا ہے کہ لاک ڈاؤن کی وجہ سے ملک کی تباہ حال معیشت میں اٹلی کا مافیا بڑھتی غربت کا فائدہ اٹھائے گا اور غیر قانونی تنظیموں میں لوگوں کی بھرتیاں بڑھ جانے کا امکان ہے۔
دی گارڈین اخبار نے اٹلی میں مافیا مخالف انوسٹی گیٹر نکولا گراتیری کے حوالہ سے لکھا ہے کہ ملک کے غریب علاقوں میں لاکھوں لوگوں نے ایک ماہ سے زائد عرصہ سے کام نہیں کیا جس وجہ سے انکے پاس پیسے نہیں۔
ان کے مطابق ریاست کی جانب سے تیزی سے ایسے لوگوں کی مدد نہ کی گئی تو مافیا یہ خدمات سرانجام دے گا۔
ان کا کہنا ہے کہ مافیا کے سربراہ اپنے شہروں کو اپنی سلطنت سمجھتے ہیں، وہ جانتے ہیں کہ حکمرانی کیلئے انہیں اپنے شہر کے لوگوں کا خیال رکھنا ہوگا۔ ایسے میں وہ برے حالات کا فائدہ اٹھاتے ہیں۔
ان کا مزید کہنا ہے کہ ایسے برے حالات میں جب مافیا کا باس دروازہ کھٹکھٹا کر ان بھوکے لوگوں کو کھانا پیش کرتا ہے تو وہ ان کی نظر میں ہیرو کا رتبہ پالیتا ہے۔
نکولا گراتیری نے کہا ہے کہ غریب لوگوں کو کھانا دینے والے مافیا کے سربراہ کو علم ہوتا ہے کہ اس عنایت کے بدلے وہ الیکشن کے دنوں میں انہی لوگوں سے اپنے نامزد سیاست دان کیلئے ووٹ لے سکے گا اور وہ سیاست دان بعد میں مافیا کو مجرمانہ سرگرمیوں میں معاونت فراہم کرے گا۔
اٹلی کے وزیرداخلہ لوسیانا لیمورگیز کی جانب سے کہا گیا ہے کہ مافیا ملک میں بڑھتی غربت کا فائدہ اٹھا سکتا ہے۔
