ملک بھر میں احساس ایمرجنسی کیش پروگرام کے تحت کورونا وباء سے متاثر ہونیوالے غریب طبقے کو امداد کی فراہمی کے دوران رقوم کی چوری میں ملوث 72 افراد کیخلاف 64 ایف آئی آرز درج کر لی گئی ہیں۔
پنجاب میں متاثرین کی جانب سے متعدد شکایات کے نتیجہ میں رقم لوٹنے والے 36 افراد کو گرفتار کر لیا گیا ہے جبکہ سندھ میں 26، خیبر پختونخوا میں 10 افراد کو حراست میں لیا گیا ہے، گرفتار افراد کو مزید تفتیش کے لیے مقامی پولیس کے حوالے کر دیا گیا ہے۔
کورونا ریلیف فنڈ میں کروڑوں روپے کے عطیات جمع
کورونا وبا کے دوران پاکستانیوں نے گوگل پر کیا سرچ کیا؟
تخفیف غربت پروگرام کی سربراہ ڈاکٹر ثانیہ نشتر نے کہا ہے کہ غریبوں کو تقسیم کی جانیوالی رقم لوٹنے والوں سے حکومت آہنی ہاتھوں سے نبٹے گی، ہم درج کیے گئے ایسے مقدمات کا پتہ چلا رہے ہیں جس کے بعد فراڈ کرنیوالوں کو ہر صورت کیفر کردار تک پہنچایا جائے گا۔
احساس ہیلپ لائن پر روزانہ 15 سو شکایات کو سنا جارہا ہے، احساس ایمرجنسی کیش پروگرام کے تحت 5 دنوں میں آبادی کے لحاظ سے چاروں صوبوں، آزاد جموں و کشمیر اور گلگت بلتستان کے 20 لاکھ سے زائد خاندانوں میں 25.68 ارب روپے تقسیم کیے جا چکے ہیں، آئندہ دو ہفتوں میں احساس کیش پروگرام کے تحت کل 12 ملین خاندانوں تک رقم پہنچائے جائے گی۔
کیا پاکستانی اس سال حج ادا کر سکیں گے؟
سرکاری ذرائع کے مطابق پہلے مرحلے میں کفالت پروگرام سے مستفید ہونیوالے 45 لاکھ خاندانوں کو ایمرجنسی پروگرام کے تحت رقم تقسیم کی جا رہی ہے جبکہ دوسرے مرحلہ میں ایس ایم ایس سروس 8171 کے تحت شناخت کیے جانیوالے 75 لاکھ خاندانوں کو اس ہفتہ کے اختتام تک رقوم منتقل کر دی جائیں گی۔
