وزیراعظم عمران خان نے ملک بھر میں نوجوانوں سے متعلق اہم فیصلہ کرتے ہوئے کامیاب جوان پروگرام کے تحت دی جانے والی رقم بڑھانے کی منظوری دے دی ہے۔
اب نوجوانوں کو 50 لاکھ کی بجائے ڈھائی کروڑ روپے تک کی رقم ملے گی، اس حوالے سے وزیراعظم سے مشیر خزانہ حفیظ شیخ اور معاون خصوصی براے امور نوجوان عثمان ڈار نے ملاقات کی۔
کورونا وائرس، عالمی بینک نے پاکستان سمیت جنوبی ایشیاء کے دیگر ممالک کو خبردار کر دیا
چیف جسٹس کے سٹاف اہلکار میں کورونا کی تصدیق، مقدمات ملتوی
آئی ایم ایف کا پاکستان کے لیے 1.4 ارب ڈالر کی فوری امداد کا اعلان
اس ملاقات میں نوجوانوں کو بڑے کاروباری مواقع دینے کے لیے مزید سہولت فراہم کرنے کا فیصلہ کیا گیا جس میں رقم کی فراہمی کی زیادہ سے زیادہ حد 50 لاکھ سے بڑھا کر ڈھائی کروڑ تک کر دی گئی۔
رقم پر واجب الادا انڑسٹ ریٹ بھی 8 فیصد سے کم کرنے کا فیصلہ کیا گیا ہے، وزیراعظم نے حالات بہتر ہوتے ہی نوجوانوں میں رقم کی تقسیم کا عمل تیز کرنے کی ہدایت کی ہے، انہوں نے پاکستان کے تمام بینکوں کو کامیاب جوان پروگرام میں شامل کرنے کی بھی منظوری دے دی ہے۔
ملاقات میں وزیر اعظم عمران خان کا کہنا تھا کہ نوجوانوں کو مزید سہولت دیں گے تاکہ وہ بڑے پیمانے پر کاروبار کر سکیں، لاک ڈاون میں نرمی آتے ہی نوجوانوان کو کاروباری میدان میں آگے لائیں گے۔
انہوں نے کہا کہ نوجوان ملک کا اثاثہ ہیں ان پر مزید سرمایہ کاری کریں گے،ملکی معیشت کو سنبھالنے میں نوجوانوں کا کردار اہم ہوگا۔
