ویتنام میں کورونا وباء اور لاک ڈاؤن کے باعث بیروزگار ہونیوالوں کو مفت چاولوں کی فراہمی کے لیے اے ٹی ایم مشینیں نصب کر دی گئی ہیں۔
کاروباری افراد اور دیگر مخیر لوگوں نے ویتنام کے کئی شہروں کے اندر ایسی مشینیں نصب کی ہیں جہاں سے وہ مفت چاول حاصل کر رہے ہیں۔
سرکاری نیوز ایجنسی وی این اے کے مطابق ویتنام کے شہر ہنوئی میں ہر روز بڑے واٹر ٹینک پر مشتمل اے ٹی ایم میں شہری دن 8 سے شام 5 بجے تک اپنے بیگز میں چاول لے رہے ہیں۔
کورونا وباء کے باعث بیروزگاری تاریخ کی بلند ترین سطح تک پہنچ جائے گی، ماہرین معاشیات
کورونا کے اثرات کے متعلق دنیا کے بڑے بنکوں کی پیش گوئیاں
کورونا وائرس: گاہک نہ ملنے پر امریکی کسان اربوں ڈالرز کی اشیاء ضائع کرنے لگے
سی این این کے مطابق چاول لینے والوں کا قطار میں 6 فٹ کے فاصلے پر کھڑے ہونے اور ہینڈ سینی ٹائزر استعمال کرنا ضروری ہے، مرکزی شہر ہوے میں کالج کے مقام پر نصب اے ٹی ایم سے مقامی شہریوں کو فی کس 2 کلو گرام (4.4) پاؤنڈ چاول مفت مہیا کیے جارہے ہیں۔
ویتنام کے شہر ہوچی من میں نصب اے ٹی ایم مشین 24 گھنٹے چاول فراہم کر رہی ہے جبکہ ڈانانگ میں دو اے ٹی ایم مشینیں اگلے ہفتے نصب کر دی جائیں گی۔
اگرچہ دنیا کے مقابلے میں ویتنام کے اندرکورونا وباء کا پھیلاؤ بہت کم ہے اور اب تک 265 کیسز رپورٹ ہوئے ہیں اور کوئی موت واقع نہیں ہوئی تاہم حکومت نے سماجی دوری پر عملدرآمد کے لیے کئی چھوٹے کاروباری مراکز بند کرا دیے ہیں جس سے ہزاروں افراد بیروزگار ہوگئے ہیں۔
