بلغاریہ کے وزیراعظم نے حکومتی بجٹ سے کورونا وباء میں مدد مانگنے والے کاروباری افراد کو پہلے اپنی قیمتی گاڑیاں فروخت کرنے کا کہہ دیا۔
بلغاریہ کے سینئر صحافی جارج گوٹیو نے اپنے ٹویٹ کے ذریعے بتایا ہے کہ بلغاریہ کے وزیر اعظم بائیکو بوریسوف نے کورونا وباء کے دوران ہونیوالے نقصان کو پورا کرنے کے لیے حکومتی بجٹ سے مدد مانگنے والے بڑے بزنس مینوں کو پہلے اپنی بیش بہا قیمتی گاڑیاں فروخت کرنے کا کہا ہے۔
انہوں نے کہا کہ بلغاریہ کے وزیر اعظم نے بزنس مینوں کو مخاطب کرتے ہوئے کہا کہ انہیں حکومتی امداد سے قبل پہلے اپنی 84 رولز رائس، 241 بینٹلے، 123 فیراری، 54 مے بیچ، 22 لمبرگینی، 311 مسیراتی، 22 میکلیرن اور 280 عدد ہیمرز ماڈل کی قیمتی گاڑیوں کو فروخت کرنا چاہیے۔
Bulgarian PM Boyko Borissov says Bulgarian big business who ask for Covid-19 help from the budget should first sell their 84 Rolls-Royce, 241 Bentley, 123 Ferrari, 54 Maybach, 22 Lamborghini, 311 Maseratti, 22 McLaren and 280 Hammer. pic.twitter.com/jVY2OpVpKr
— Georgi Gotev & EURACTIV.bg (@GeorgiGotev) April 12, 2020
بلغاریہ کے وزیر اعظم کے اس بیان کے بعد صارفین نے مختلف ردِعمل کا اظہار کیا ہے، زیادہ تر نے کہا کہ اس وباء کی وجہ سے خراب معیشت کے موقع پر اتنی مہنگی گاڑیوں کے خریدار کہاں سے آئیں گے۔
کورونا وائرس کے باعث امریکہ شدید بیروزگاری کے چنگل میں
پاکستانی علی مدثر نے وفاقی وزیر سائنس و ٹیکنالوجی فواد چوہدری کو ٹویٹر پر مخاطب کرتے ہوئے کہا کہ ایسا اعلان پاکستان میں بھی ہونا چاہیے۔
شہری جے بی اندریاز نے ٹویٹر پر لکھا ہے کہ کاروبار نجی ہیں، اگر کمپنی مالکان حکومتی مدد چاہتے ہیں تو انہیں چاہیے کہ پہلے اپنے غیرضروری اثاثہ جات فروخت کریں ۔
بلغارین شہری علی نیتی سولیبانکو نے بلغاریہ کے وزیراعظم کے گاڑیوں کے فروخت کے بیان کو غلط قرار دیتے ہوئے کہا کہ آپ کاروباری لوگوں سے نہیں کہہ سکتے کہ انہیں کیا کرنا چاہیے، آپ صرف حمایت کر سکتے ہیں، اس حوالے سے ہوشیار رہیں کہ ایسے بیانات سے بڑے ٹیکس دہندگان کو نہ کھو دیں۔
