کورونا وائرس نے دنیا بھر میں پنجے گاڑ رکھے ہیں۔ جانز ہاپکنز یونیورسٹی کے نئے اعدادوشمار کے مطابق کورونا وائرس سے متاثرہ افراد کی مجموعی تعداد 19لاکھ 30ہزار 780 ہو چکی ہے جبکہ اس وبا سے جاں بحق افراد کی تعداد 1لاکھ 20ہزار سے زائد ہے۔
اب تک صرف امریکہ میں 5 لاکھ 87 ہزار افراد کورونا سے متاثر ہوچکے ہیں جبکہ اموات کی تعداد 23 ہزار 6 سو تک پہنچ گئی ہے۔
چین میں دو قسم کی کورونا ویکسین کی انسانوں پر آزمائش کی منظوری
کورونا وبا کے دوران پاکستانیوں نے گوگل پر کیا سرچ کیا؟
دنیا کا واحد ملک جہاں کی اے ٹی ایم سے کورونا سے بیروزگار ہونیوالوں کو مفت چاول ملتے ہیں
اٹلی میں بھی اموات کا سلسلہ جاری ہے جہاں اب تک 20 ہزار 4 سو سے زائد افراد اس وبا کے ہاتھوں ہلاک ہو چکے ہیں۔
ماہرین کے مطابق کورونا سے متاثرہ افراد اور اس سے مرنے والوں کی تعداد رپورٹ کردہ اعداد و شمار سے کہیں زیادہ ہے، اس وبا نے افریقی ممالک کو بھی اپنی لپیٹ میں لے رکھا ہے جہاں اب تک کے رپورٹ کردہ کیسز کی تعداد 15 ہزار سے تجاوز کر چکی ہے۔
آئی ایم ایف نے خبردار کیا ہے کہ کورونا وائرس کی وجہ سے دنیا بھر کی معیشت کو دھچکا لگا ہے اور رواں سال عالمی معاشی ترقی کی شرح 3 فیصد تک رہنے کی پیشین گوئی کی ہے جو کہ 2008 میں آ نے والے معاشی بحران سے بھی کم ہے۔
واضح رہے کہ پاکستان میں کورونا وائرس سے متاثرہ افراد کی تعداد تقریباً 6 ہزار ہو گئی ہیں جبکہ اموات کی تعداد 100 تک پہنچ چکی ہے۔ کورونا وائرس کے پھیلاؤ کو کم کرنے کے لیے وفاقی حکومت نے لاک ڈاؤن میں دو ہفتے کی توسیع کر دی ہے۔
