اسمارٹ فونز بنانے والی معروف کمپنی ’ ایپل‘ نے آئی فون سریز کا نیا ماڈل متعارف کرا دیا ہے جسے آئی فون ایس ای کا نام دیا گیا ہے۔
اسمارٹ فون موبائلز پر رائے دینے والی معروف ویب سائٹ جی ایس مرینا کے مطابق آئی فون کا نیا ماڈل آئی فون 8 کی کاپی ہے جس میں جدید چپ سیٹ اور بہتر کیمرہ نصب کر دیا گیا ہے۔
2018 کے بعد ایپل نے پہلی مرتبہ ایس ای سیریز کا آئی فون بازار میں پیش کیا ہے جس میں 4 اعشاریہ 7 انچ ’ ریٹینا ایچ ڈی ‘ اسکرین ٹرو ٹیون کے ساتھ موجود ہے اور اسے ڈولبی ویژن اور ایچ ڈی آر پلے بیک 10 کی اسپورٹ حاصل ہے۔
آئی فون ایس ای میں دی گئی کچھ ٹیکنالوجی ایپل کے جدید ترین آئی فون 11، 11 پرو ,11 پرو میکس جیسی ہے۔
نئے آئی فون ایس ای میں فائیو جی ٹیکنالوجی اور فیسل ریکیگنیشن سسٹم فراہم نہیں کی گیا ہے۔
کمپنی نے فون کی قیمت بھی کم رکھی ہے جو 24 اپریل سے امریکہ میں دستیاب ہو گا۔
آئی فون ایس ای کا 64 جی بی ماڈل 399 ڈالر، 128 جی بی ماڈل 499 ڈالر، جبکہ 256 جی بی ماڈل 549 ڈالر میں دستیاب ہو گا۔
ماہرین کا کہنا ہے کہ کم قیمت کا نیا فون متعارف کروا کے ایپل سام سنگ اور گوگل کمپنیوں کے فونز کا مقابلہ کر سکتا ہے۔
کورونا وائرس کی وجہ سے دنیا میں موبائل فونز کی مانگ میں کمی آئی ہے لیکن اس کے باوجود کمپنیاں نئے ماڈل پیش کر رہی ہیں۔
