روسی وزیراعظم میخائل میشوتن کا کورونا ٹیسٹ مثبت آیا ہے جس کے بعد انہوں نے عارضی طور پر اپنا عہدہ چھوڑ دیا ہے، فرسٹ ڈپٹی وزیراعظم آندرے بیلوسوف ان کی جگہ فرائض سرانجام دیں گے۔
روسی میڈیا کے مطابق وزیراعظم نے صدر پیوٹن کو یہ اطلاع ایک ویڈیو کانفرنس کے دوران دی، جس پر صدر نے ٹھنڈی آہ بھری اور میشوتن کی جلد صحتیابی کی خواہش کا اظہارکیا۔
یورپ، امریکہ کے بعد کورونا وائرس نے روس اور برازیل کا رخ کر لیا
کورونا وائرس : بیلاروس کے صدر کا ایسا اعلان جس نے سب کو حیران کر دیا
میشوتن روس میں کورونا کے پھیلاؤ کے خلاف اہم کردار ادا کر رہے تھے، وہ پہلے اعلیٰ عہدیدار ہیں جنہوں نے اس وبا کا شکار ہونے کا اعلان کیا ہے۔
انہوں نے یہ اعلان روس میں کورونا مریضوں کی تعداد ایک لاکھ تک پہنچ جانے سے چند گھنٹے قبل کیا، انہوں نے کہا کہ میرا کورونا ٹیسٹ کا نتیجہ مثبت آیا ہے اور مجھے الگ تھلگ ہونے اور ڈاکٹرز کی ہدایات پر عمل کرنے کی ضرورت ہے، میرے ساتھیوں کے تحفظ کے لیے یہ ضروری ہے۔
انہوں نے کہا کہ وہ اپنی بیماری کے باوجود حکومتی اراکین اور صدر پیوٹن سے فون اور ویڈیو کے ذریعے رابطے میں رہیں گے، میڈیا پر پیوٹن اور میشوتن کی ویڈیو کانفرنس کا چار منٹ کا کلپ دکھایا گیا۔
روسی وزیراعظم کے ترجمان بورس بیلیکوف نے بتایا کہ وہ اپنا الگ تھلگ ہونے کا وقت ڈاکٹروں کی نگرانی میں ایک اسپتال میں گزاریں گے، انہوں نے اس جگہ کے متعلق نہیں بتایا جہاں میشوتن کا علاج کیا جائے گا۔
انہوں نے مزید کہا کہ جو لوگ بھی وزیراعظم سے رابطے میں آئے تھے انہیں الگ تھلگ رکھ کر وائرس کا ٹیسٹ کیا جائے گا۔
رقبے کے لحاظ سے دنیا کے سب سے بڑے ملک روس کو بند کرنے کا فیصلہ
تیل کی پیداوار کم کرو ورنہ سعودی عرب سے فوجیں نکال لیں گے، ٹرمپ کی شہزادہ سلمان کو دھمکی
اب تک روس میں ایک لاکھ کورونا مریض سامنے آئے ہیں اور ایک ہزار 73 اموات ہو چکی ہیں، روس نے مریضوں کی تعداد کے لحاظ سے چین اور ایران کو پیچھے چھوڑ دیا ہے۔
