امریکی کمپنی نے دومنٹ میں کورونا وائرس ختم کرنے والا روبوٹ بنا لیا

ٹیکساس کی ایک کمپنی زینکس ڈس انفیکشن سروسز کا کہنا ہے کہ انہوں نے ایک روبوٹ بنا لیا ہے جو یو وی سی شعاعوں کے جھماکے کے ذریعے دو منٹ میں کورونا وائرس کو ختم کر دیتا ہے۔

کمپنی کے اعلان کے مطابق یہ روبوٹ تیز شعاعوں کے ذریعے کسی بھی سطح پر موجود کورونا وائرس کو دو منٹ میں تباہ کر دیتا ہے، یہ طریقہ کار امریکہ کے فوجی اڈوں، پولیس کی بیرکس اور چند یونیورسٹیوں کے کیمپس میں بھی استعمال ہو رہا ہے۔

امریکی کمپنی کی دوائی جس سے کورونا کے مریض تیزی سے صحتیاب ہونے لگے

کورونا کی ویکسین ستمبر تک تیار ہو جائے گی، برطانوی سائنسدان کا دعویٰ

کمپنی نے اپنے بلاگ میں لکھا ہے کہ ٹیسٹ کے دوران لائٹ سٹرائیک نامی روبوٹ نے سارس کوو 2 وائرس کو دو منٹ میں ختم کر دیا ہے، اسی وائرس کے باعث کورونا وبا پھیلی ہے۔

یہ ٹیسٹ ٹیکساس بائیومیڈیکل ریسرچ انسٹی ٹیوٹ میں کیا گیا ہے جو وبائی امراض پر تحقیق کرنے والا ایک معروف ادارہ ہے۔

کمپنی کے چیف سائنٹسٹ افسر ڈاکٹر مارک سٹیبچ کا کہنا ہے کہ اس وقت کورونا نے پوری دنیا کو ساکت کر دیا ہے، پہلے دور میں واپس آنے کے لیے ضروری ہے کہ عوامی مقامات کو وائرس سے پاک کیا جائے تاکہ وبا کے پھیلاؤ کو روکا جا سکے۔

انہوں نے کہا کہ ہمارے روبوٹس دنیا کے بہترین اسپتالوں میں استعمال ہو رہے ہیں کیونکہ یہ بہت تیزی سے کام دکھاتے ہیں۔

ان کا کہنا تھا کہ ہم ٹیکساس بائیومیڈ کے پاس اس لیے آئے ہیں تاکہ کورونا کے خلاف کام کرنے کی صلاحیت کو جانچا جا سکے، ہم چاہتے ہیں کہ ہمارے موجودہ اور مستقبل کے گاہک پورے یقین سے جان سکیں کہ ان کا یو وی روبوٹ کورونا وائرس کو روک سکتا ہے۔

اس کمپنی کا روبوٹ وسیع پیمانے پر یو وی سی روشنی خارج کرنے کے لیے زینن لیمپ استعمال کرتا ہے جس سے وائرس ختم ہو جاتا ہے، یہ روشنی سورج کی شعاعوں سے زیادہ شدید ہوتی ہے۔

کورونا وائرس کی نئی علامات سامنے آ گئیں، کل تعداد 9 ہو گئی

روس کورونا کا نیا مرکز بن گیا، ایک ہی دن 10 ہزار سے زائد افراد وبا کا شکار

یہ شعاعیں وائرس کو مردہ کر دیتی ہے کیونکہ مختلف ویو لینتھ پر مختلف وائرس اس کا شکار بن جاتے ہیں، یہ روبوٹ اکیلا کام کرتا ہے کیونکہ شعاعوں کی شدت کے باعث انسان اس جگہ پر موجود نہیں رہ سکتے، یہ ان کی آنکھوں کو نقصان پہنچا سکتی ہیں۔

وائرس سے نجات کا یہ طریقہ بہت مہنگا ہے، ایک روبوٹ کی قیمت ایک لاکھ ڈالرز ہے، رپورٹس کے مطابق اس وقت کئی امیر گاہک اس کی خریداری کے لیے اپنی باری کا انتظار کر رہے ہیں۔