پاکستان کے سابق فاسٹ بالر شعیب اختر کو پی سی بی کی نئی ڈیجیٹل مہم کے سلسلے میں بالنگ میں ڈریم جوڑی چننے کے لیے کہا گیا تو انہوں نے عمران خان اور نسیم شاہ کو منتخب کیا۔
شعیب اختر تاریخ کے سب سے بڑے فاسٹ بالرز میں سے ایک ہیں، انہوں نے کہا کہ میں بہت ہی خوش قسمت ہوتا اگر میں اپنے بالنگ کیریئر کے عروج پر عمران خان کے ساتھ گیند بازی کرتا۔ اگر ہم مل کر بالنگ کرتے تو ہمارے درمیان بہترین کیمسٹری موجود ہوتی۔
انہوں نے کہا کہ موجودہ دور میں مجھے لگتا ہے کہ نسیم شاہ میرے بالنگ کے رویے اور غصے کی نقل کرسکتے ہیں۔ اسی جارحانہ رویے کے ساتھ نسیم اور میں ایک اچھی جوڑی بناتے۔
وسیم اکرم نے ماضی کے کونسے شاندار فاسٹ بالرز کو اپنی ڈریم جوڑی قرار دیا؟
میں بلے بازوں کو خوفزدہ کر کے نہیں بلکہ بیوقوف بنا کر آؤٹ کرتا تھا، محمد آصف
اس سے قبل پاکستان کے لیجنڈ بالر وسیم اکرم نے بھی نسیم شاہ کو اپنی جوڑی کے طور پر منتخب کیا تھا۔
17 سالہ اسٹار نے ان کی صلاحیتوں پر یقین کرنے پر لیجنڈری بالرز کا شکریہ ادا کیا۔
نسیم شاہ نے کہا ہے کہ وسیم اکرم کے اعتراف کے بعد شعیب اختر کی پہچان پر خوشی ہوئی۔ انہوں نے کہا کہ اپنے بالنگ پارٹنر کے طور پر نامزد کرنے کے لیے مجھے شعیب کا شکریہ ادا کرنا ہے کیونکہ وہ بطور بالر میرے لیے رول ماڈل تھے اور ان کی پہچان میرے لیے کسی بڑے اعزاز سے کم نہیں ہے۔
انہوں نے کہا کہ میں اتفاق کرتا ہوں کہ رویہ اور جارحیت ایک تیز بالر کی کامیابی کی کنجی ہیں، مجھے امید ہے کہ میں شعیب کی توقعات پر پورا اتروں گا۔
