روی شاستری اوڈی کار لے گئے اور جاوید میانداد ہاتھ ملتے رہ گئے

لاک ڈاؤن کے دوران کرکٹر اپنا زیادہ تر وقت سوشل میڈیا پر گذار رہے ہیں، اپنے ساتھی کھلاڑیوں اور مداحوں کے ساتھ براہ راست سیشن کا انعقاد کیا جا رہا ہے، کیون پیٹرسن اور روہت شرما جیسے کھلاڑی اس میں شامل ہیں۔

انڈیا کی ٹیم کے موجودہ کوچ روی شاستری بھی بینڈ ویگن میں شامل ہو گئے ہیں جنھيں ایک مشہور میڈیا ہاؤس کے ساتھ براہ راست اس سیشن میں شامل کیا گیا۔

روی شاستری نے بتایا کہ 1985 کے بینسن اینڈ ہیجز میں سنیل گواسکر اینڈ کمپنی نے کس طرح ملبورن میں پاکستان کو 8 وکٹ سے شکست دی تھی۔

پاک بھارت کرکٹرز کی دوستیاں اور دشمنیاں، شاہد آفریدی کی زبانی

انضمام الحق کی زبانی جاوید میانداد کے متعلق ایک دلچسپ واقعہ

آسٹریلیا میں جاری اس سیریز میں روی شاستری نے بلے اور گیند سے شاندار آل راؤنڈ کارکردگی دکھائی تھی جس کی وجہ سے انڈیا نے یہ ٹرافی اپنے نام کی تھی۔ روی شاستری نے 5 میچوں میں 182 رنز اسکور کیے اور 8 وکٹیں حاصل کیں۔

منگل کے روز سونی اسپورٹس کے ساتھ براہ راست فیس بک پر بات چیت کرتے ہوئے اسپورٹس صحافی راجدیپ سردسائی نے روی شاستری سے 1985 کے بینسن اینڈ ہیجز چیمپئن شپ کےمتعلق سوالات کیے۔

روی شاستری نے بتایا کہ 1985 کے بینسن کپ مپں پاکستان کو فائنل میں ہرانا ان کے لیے یادگار ہے، پاکستان کے مایہ ناز بلے باز جاوید میانداد کی نظریں پلیئر آف دی ٹورنامنٹ پر تھی لیکن ان کے جیتنے کے کوئی امکان نہیں تھے انھوں نے صرف اپنے الفاظ سے مخالف ٹیم کو ہرانے کی کوشش کی تھی۔

روی شاستری نے ٹورنامنٹ کی سب سے بہترین ٹیم نیوزی لینڈ کو قرار دیا، ان کا کہنا تھا کہ شائد نیوزی لینڈ کے پاس سپر اسٹار نہ ہوں لیکن وہ ٹیم ہمیشہ اپنے قد سے بڑھ کر کھیلتی ہے۔

روی شاستری نے اس ٹورنامنٹ میں مین آف دی ٹورنامنٹ کا اعزاز جیتا تھا اور قیمتی کار اوڈی ان کو انعام کے طور پر دی گئی تھی۔