پاکستان پیپلزپارٹی کے رہنما خورشید شاہ کے اہلخانہ کی گرفتاری کیلئے نیب نے سپریم کورٹ سے رجوع کرتے ہوئے انکی دو بیویوں بی بی گل ناز اور بی بی طلعت کی ضمانت کا فیصلہ چیلنج کر دیا ہے۔
نیب نے سپریم کورٹ میں خورشید شاہ کے بیٹے زیرک شاہ اور بھتیجے کی ضمانت کا فیصلہ بھی چیلنج کر دیا ہے۔
پارک لین ٹاور ریفرنس میں نامزد ملزمان نے آصف زرداری کے خلاف بیان دے دیا
نیب اپنی درخواست میں استدعا کی ہے کہ تمام ملزمان کی ضمانتیں منسوخ کی جائیں اور سندھ ہائی کورٹ کا 22 اپریل کا فیصلہ کالعدم قرار دیا جائے۔
درخواست میں موقف اختیار کیا گیا ہے کہ سندھ ہائی کورٹ نے ملزمان کیخلاف شواہد کو نظرانداز کیا اور کیس کے حقائق کا درست جائزہ نہیں لیا۔
نیب نے درخواست میں کہا ہے کہ ہائی کورٹ نے فیصلے میں سپریم کورٹ کے وضع کردہ اصولوں کو نظرانداز کیا۔ نیب نے الزام لگایا ہے کہ خورشید شاہ نے 2005 سے 2019 تک آمدن سے 71 کروڑ روپے زائد خرچ کیے جبکہ خورشید شاہ اور انکے اہلخانہ بنک اکاؤنٹس میں موجود 84 ہزار امریکی ڈالرز کا حساب نہ دے سکے۔
درخواست میں موقف اختیار کیا گیا ہے کہ خورشید شاہ اور ان کے اہلخانہ اپنے اکاؤنٹس میں پڑے 37 کروڑ سے زائد روپے کا بھی حساب نہ دے سکے۔
