بھارت میں پیدل سفر کرنیوالی خاتون نے بچے کو جنم دینے کے بعد اسے گود میں لے کر 160 کلومیٹر کا سفر طے کر لیا۔
میڈیا رپورٹ کے مطابق خاتون اپنے خاوند اور چار بچوں کے ہمراہ مہاراشٹرا کے شہر ناشک سے قریبی ریاست مدھیہ پردیش اپنے گاؤں جانے کے لیے پیدل سفر پر روانہ تھی، اس نے راستے میں ایک بچی کو جنم دیا، چند دنوں بعد مدھیہ پردیش کی ایک چیک پوسٹ پر اہلکار کویتا کنیش نے خاتون کو روکا تو مکمل کہانی سامنے آ گئی۔
بھارت میں بھوک سے بچنے کیلئے گھروں کو جانیوالے 14 مزدور ٹرین کے نیچے آ گئے
بھارت میں لاک ڈاؤن سے جڑا ایک اور المیہ، 12 سالہ بچی پیدل چلتے چلتے دم توڑ گئی
کویتا نے بتایا کہ خاتون نے بچی کوجنم دینے کے بعد بمشکل ڈیڑھ سے دو گھنٹے آرام کیا، اس خاندان کے پاس نہ کوئی رقم تھی اور نہ ہی ٹرانسپورٹ جس پر وہ اپنے آبائی گھر جا سکیں، اس دوران کسی مسافر گاڑی نے بھی انہیں ساتھ لیجانے کیلئے لفٹ نہیں دی۔
انہوں نے بتایا کہ چیک پوسٹ تک پہنچنے سے 4 روز قبل 5 مئی کو بچی کی پیدائش ہوئی تھی، کنیش کے مطابق ناشک میں بسنے والے خاندان کے پاس کوئی رہائش نہیں تھی اور لاک ڈاؤن کی وجہ سے روزگار کی بندش کے باعث انہیں مجبوراً شہر چھوڑ کر اپنے گاؤں روانہ ہونا پڑا۔
کنیش نے بتایا کہ چیک پوسٹ پر پوچھ گچھ کے بعد انہوں نے خاتون کے لیے علاج و قرنطینہ سینٹر میں رہائش کا انتظام کرایا۔
بھارت میں لاک ڈاؤن کے نفاذ کے بعد بڑے شہروں میں کام کرنیوالے لاکھوں مزدور روزگار ختم ہونے کے بعد شہروں سے اپنے گاؤں جانے پر مجبور ہوئے ہیں۔ پبلک ٹرانسپورٹ کی بندش کے باعث لاکھوں خاندان کئی سو کلومیٹر پیدل سفر کرنے پر مجبور ہیں۔
بھارت میں لاک ڈاؤن کے نتائج، بھوک نے انسان اور جانور ایک برابر کر دیے
لاک ڈاؤن کے باعث غاروں میں چھپ جانے والے سیاح برآمد
جان ہاپکنز یونیورسٹی کے ڈیٹا کے مطابق بھارت میں کورونا وائرس کے مریضوں کی تعداد 78 ہزار تک پہنچ گئی ہے جبکہ 2551 اموات رپورٹ ہوئی ہیں۔
