دو اسٹار لیگ اسپنرز عادل رشید اور ایش سودھی نے ون ڈے اور ٹی ٹوئنٹی فارمیٹ میں پاکستان کے کپتان بابر اعظم کا انتخاب کرتے ہونے انہیں باؤلنگ کرنا سخت مشکل قرار دے دیا۔
سودھی نے تو یہاں تک کہہ دیا کہ انہوں نے اپنے کیرئیر میں بابر اعظم کے خلاف مشکل ترین باؤلنگ کی ہے۔
بھارتی کرکٹ ٹیم کے کپتان ویرات کوہلی کی تنخواہ پاکستان کی پوری ٹیم کے برابر
ویرات کوہلی اور سچن ٹنڈولکر میں حقیقی فرق کیا ہے، وسیم اکرم نے بتا دیا
عمراکمل کو ان کے بڑے بھائی کامران اکمل کی نصیحت
اس کا اظہار دونوں اسپنرز نے ہندوستان کی ایک ویب سائٹ کو آن لائن انٹرویو دیتے ہوئے کیا، ان سے سوال کیا گیا کہ وہ دنیا کے پانچ بہترین بلے بازوں کی فہرست مرتب کریں تو انھوں نے پہلے نمبر پر بابر اعظم کو رکھا، اس کے بعد اسٹیو اسمتھ، کین ولیمسن، ویرات کوہلی اور جو روٹ کا نام لیا۔
سودھی کا کہنا تھا کہ میں پہلے بابر اور دوسرے نمبر اسٹیو اسمتھ کے ساتھ جاؤں گا، پھر ویرات کوہلی اور اور آخر میں جو روٹ کا کہوں گا، بابر اعظم ان پانچ بلے بازوں میں باؤلنگ کے لیے سب سے مشکل ترین ہیں۔
انہوں نے کہا کہ وہ ایک بہترین کھلاڑی ہیں، سودھی نے پاکستان کے بہترین بلے باز کا سامنے کرنے والے دنوں کو بھی یاد کیا۔
ان کا کہنا تھا کہ مجھے بابر کو باؤلنگ کرنا واقعی مشکل لگتا ہے، ہم نے متحدہ عرب امارات کے گرم موسم میں بابر اعظم کے خلاف کھیلا ہے، بابر اعظم نے اپنا بہترین کھیل پیش کیا تھا۔
اسی طرح انگلینڈ کے سب سے بڑے وائٹ بال کے لیگ اسپنر عادل رشید بھی موجود فارم کی بنیاد پر بابر اعظم کو ویرات کوہلی سے آگے سمجھتے ہیں۔
راشد سے کہا گیا کہ وہ محدود اوورز کی کرکٹ میں بہترین بلے باز کا انتخاب کریں تو انھوں نے کہا کہ یہ ایک مشکل کام ہے اگر ہم موجود فارم کو دیکھیں تو بابر اعظم کا نام کوہلی سے آگے ہے۔
انہوں نے کہا کہ مجھے بابر اعظم کے ساتھ جانا پڑے گا اور میں انہیں اس لیے منتخب کر رہا ہوں کیونکہ وہ بہتر فارم میں ہیں، بہرحال یہ دونوں بلے باز عالمی معیار کے کھلاڑی ہیں۔
