بھارت میں ایک شخص کی جانب سے ٹویٹر پر ایک ویڈیو اپ لوڈ کی گئی ہے جس میں الزام عائد کیا گیا ہے کہ سماج وادی پارٹی کے کارکن ممبئی ریلوے اسٹیشن پر پاکستان زندہ باد کے نعرے لگا رہے ہیں، اس کے بعد سوشل میڈیا پر بحث چھڑ گئی جس میں سماج وادی پارٹی کو ہدف تنقید بنایا گیا ۔ صارف کی ویڈیو کو 32 سو افراد نے لائیک جبکہ 31 سو نے ری ٹویٹ بھی کیا۔
مودی سرکار بھارتی مسلمانوں کو ملک بدر کرنے کیلئے مسلسل کوشاں
یو اے ای میں مزید بھارتی شہری اسلام مخالف پوسٹیں کرنے پر مشکلات کا شکار
اب اس ویڈیو میں لگائے گئے نعرے کی تردید سامنے آئی ہے، جس میں کہا گیا ہے کہ ریلوے اسٹیشن پر سماجی وادی پارٹی کے کارکنوں کی جانب سے پاکستان زندہ باد کے نعرے نہیں لگائے گئے بلکہ پارٹی کے مقامی رہنماء کی شارمک اسپیشل ٹرین کے ذریعے روانگی کے وقت کارکنوں نے ساجد بھائی زندہ باد کے نعرے لگائے جنہیں غلط رنگ دیا گیا۔
14 مئی کو چتراپتی شیواجی مہاراج اسٹیشن پر اسپیشل ٹرین کی روانگی کے وقت ساجد صدیقی، ابو اعظمی اور پولیس اہلکار موجود تھے اس موقع پر ویڈیو بنائی گئی جس میں قریب سے واضح سنائی دیتا ہے کہ پارٹی کارکن ساجد بھائی زندہ باد کے نعرے لگا رہے ہیں لیکن سوشل میڈیا پر اسے غلط رنگ دیا گیا۔
سماج وادی پارٹی مہاراشٹر کے صدر ابو عاصم اعظمی نے ممبئی پولیس سے مطالبہ کیا کہ غلط دعوؤں کے ساتھ ویڈیو شیئرکرنیوالوں کو گرفتار کیا جائے۔
